உன்னால் எனக்கொரு அம்மா

by **rammalar** Wed 27 Mar 2013 - 10:15

-
உன் ஆம்மாவிடம்
நீ என்னைப் பற்றி
என்ன சொன்னாயோ
தெரியவில்லை
-
அவர்கள்
எனக்கு இன்னொரு
அம்மாவாகவே தெரிந்தார்கள்…
-
நானும்
‘அம்மா’ என்றே அழைக்க
ஆரம்பித்து விட்டேன்
-
தாயைப் போல பிள்ளை
நூலைப்போல் சேலை’
என்பது உண்மைதான்…
-
ரெஸ்டாரெண்டில்
என்னிடம் சொன்னது;
‘உன்னை
தவமிருந்து பெற்றேன்’ என்று…
-
‘பெண்ணைப் பெற்றால்
சிக்கனமாகச்
செலவு செய்வார்கள்
நீங்கள்
மாறாம இருக்கிறீர்களே…’ய
என்றேன்…
-
அதற்கு அவர்கள்:
-
‘இன்று சந்தோஷமாக
இருந்தாலே போதும்
நாளை என்பது
கடவுள்!
கையிலென்றார்கள்..’
-
‘’உங்களுக்கு
எந்தக் குறையும்
இருக்காது’
என்றேன்…
-
‘பரவாயில்லை
பொறுப்பாகவே
பேசுகிறீர்கள்’ என்று
சான்றிதழ்
நீட்டினார்கள்…
-
பிறகு
உன்னைப் பற்றி என்னிடம்
புகார் செய்தார்கள்,
வீட்டில் யாரை அழைத்தாலும்
என் பெயரைச் சொல்லியே கூப்பிடுகிறாய்
என்று!
-
உன் வீட்டில் யாராவது
தவறு செய்தால் என்னை
உதாரணத்திற்குக் கூப்பிடுகிறாயாம்…
-
சைவ சமையல் செய்தால்
எனக்கு ரொம்ப
பிடிக்கும் என்கிறாயாம்…
-
சினிமாவிற்கு டிக்கெட்
எடுக்கச் சொன்னால்
எனக்கும்
சேர்த்து எடுக்கச் சொல்கிறாயாம்…
-
இப்படி
எல்லாவற்றிற்கும்
என்னை நீ
சேர்த்துக் கொள்வதால்
-
அவர்களிடம்…
-
என் மீது வைத்திருக்கும்
நட்பைக் காட்டினாலும்…
-
அது
அம்மாவிற்குத் தெரியுமா?
-

=============================
>கோபால்தாசன்
நன்றி: உயிர்க்கலம் (கவிதைகள்)