அழகு ராணிப் போட்டிகளில் பங்கேற்றமைக்காக கல்லெறிந்து கொல்லப்பட்ட பெண்!

by *சம்ஸ் Wed 27 Mar 2013 - 18:34

Spoiler:

அழகு ராணிப் போட்டியில் பங்கேற்றமைக்காக 19 வயது முஸ்லிம் பெண் உக்ரேனில் கல்லெறிந்து கொல்லப்பட்டுள்ளார். கட்யாகொரேன் என்ற பெண்ணுக்கே இந்தத் தண்டனை

நிறைவேற்றப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.

மூன்று முஸ்லிம் இளைஞர்கள் சேர்ந்து இந்தத் தண்டனையை நிறைவேற்றியுள்ளனர்.இவர்களில் 16 வயதான பிஹால் காஸிவ் என்பவர் கைது செய்யப்பட்டுள்ளார்.

இஸ்லாமியச் சட்டங்களின் பிரகாரம் இந்தப் பெண் கொல்லப்பட வேண்டியவர். அவரைக் கொன்றதில் எனக்கு எந்தக் கவலையும் இல்லை என்று இந்த நபர் தெரிவித்துள்ளார்.

கட்யாகொரேன் கல்லெறிந்து கொல்லப்பட்டு ஒரு காட்டுப் பகுதியில் புதைக்கப்பட்டுள்ளார். இவரைக் காணவில்லை என்ற புகாரின் பேரில் தேடுதல் நடத்திய பொலிஸார் காட்டுப் பகுதியில் புதைக்கப்பட்ட இவரின் சடலத்தை மீட்டுள்ளனர்.

இவர் நவநாகரிக உடைகளில் மோகம் கொண்ட ஒரு பெண் என்றும், அவர் கலந்து கொண்ட அழகு ராணிப் போட்டியில் அவர் ஏழாவது இடத்துக்கு வந்திருந்தார் என்றும், இவர் மீது அடிப்படை வாத முஸ்லிம்கள் ஆத்திரம் கொண்டிருந்தனர் என்றும் அவரின் நண்பர்கள் தெரிவித்துள்ளனர்.

பொலிஸார் கொலை வழக்குப் பதிவு செய்து மேலதிக விசாரணைகளை நடத்தி வருகின்றனர்.

நன்றி muslimline