" இதுவும் கடந்து போகும் "

ஒரு ஆசிரமத்தில் சீடனொருவன் தன் கல்வி காலம் முடிந்து வெளிசெல்ல எண்ணியபோது, குரு சீடனிடம் ஓர் ஓலைச்சுவடி கொடுத்து என்று தீராத்துயரத்திற்கு செல்கிறாயோ அன்று இதை திறந்துபார் எனக் கூறி சீடனை வழியனுப்பி வைக்கிறார்.

சீடனும் அரசு மெய்க்காவலன் பதவி வகித்து வாழ்வை செம்மையாக நடத்தி எண்பது அகவை அடைந்தும் அவ்வோலைச்சுவடி தேவை ஏற்படாததால்அதனை தன அரசருக்கு அளித்து அதன் சிறப்பையும் எடுத்துக் கூறுகிறார்.

சில நாட்களில் அந்நாட்டின் மீது எதிரிநாடு படைதொடுத்து வெற்றி பெற்று அம்மன்னனை துரத்திச் செல்கிறது. மன்னனும் ஓர் மலைக்கு கையில் ஒளிந்து எல்லாத்தையும் இழந்ததை நினைத்து வருந்துகையில் மெய்க்காவலன் கொடுத்த ஓலைச்சுவடி ஞாபகம் வர அதனை எடுத்துப் பார்க்கிறார்.

அதில் "இதுவும்கடந்துபோகும்" எனும் வாக்கியம் மட்டுமே இருந்தது.

அரசனுக்கு எதுவும் புரியவில்லை, இந்நேரத்தில் அவரை துரத்திய எதிரிபடை அவர் கிடைக்காமல் வெளியேறியது. அதே சமயத்தில் அம்மலையில் வாழும் மலைவாழ்மக்கள் அரசரை அடையாளம் கண்டு உபசரித்து இடமளிக்க அரசர் அவர்களுக்கு போர்முறைகள் பயிற்றுவித்து பெரும்படை உருவாக்கி எதிரிநாட்டின் மீது படைஎடுத்து வெற்றி பெற்று தன் நாட்டை மீட்டுகிறான்.

பின்னர் இவ்வெற்றியை மக்களும் அரசரும் கொண்டாடுகையில் , அம்மெய்க்காவலன் அந்த ஓலைச்சுவடியில் அப்படி என்ன எழுதி இருந்தது என வினவ, அரசனும்"இதுவும்கடந்துபோகும்" எனும் வாக்கியம் இருந்தது எனவும்,

மெய்க்காவலன் ஆம்அரசே, அன்று "இதுவும்கடந்துபோகும்" என நீங்கள் படித்தபோது உங்கள் துன்பம் விலகி இன்று இன்பமாக உள்ளீர் ஆனால் "இதுவும்கடந்துபோகும்" என்பதை மறக்காதீர் என்றார். அரசரும் அதன் உண்மையை ஏற்று செம்மையாக ஆட்சிபுரிந்தார்.


நீதி: இன்பமும்துன்பமும்நிரந்தரமல்ல... "இதுவும்எதுவும்கடந்துபோகும்" என்பதே இக்கதையின் நீதி.


விஜய் தொலைகாட்சி அலைவரிசையில் நடிகர் சூர்யா தனது தந்தை"திரு. சிவக்குமார்" அவர்கள் எப்பொழுதும் நினைவு படுத்தும் கதை இது என எல்லோரிடமும் பகிர்ந்தார்.
.
.


மிகவும் சிறப்பான உண்மையை உணர்த்தும் கதை!

கதை நன்று :#

கதையில் வார்த்தைகளுக்கு இடையில் ஏன் இடைவெளி இல்லாமல் இருக்கிறது