தேனி அருகே சூறாவளி காற்று: ரூ.4 கோடி வாழைகள் சாய்ந்து நாசம்

by *சம்ஸ் Wed 17 Apr 2013 - 7:54

தேனி,ஏப்.17-

தேனி அருகே பலத்த சூறாவளி காற்றில் ஒரு லட்சத்திற்கும் மேற்பட்ட வாழை மரங்கள் குலையுடன் சாய்ந்து விழுந்தன. இதனால் ரூ.4 கோடி அளவில் விவசாயிகளுக்கு நஷ்டம் ஏற்பட்டு உள்ளது.

தேனி மாவட்டம், சின்னமனூர் அருகே உள்ள ஓடைப்பட்டி, சீப்பாலக்கோட்டை பகுதிகளில் சுமார் 300 ஏக்கர் பரப்பளவில் வாழை சாகுபடி செய்யப்பட்டு உள்ளது. இந்த பகுதிகளில் திராட்சை பழங்களுக்கு அடுத்தபடியாக வாழை சாகுபடி அதிக அளவில் நடைபெறுகிறது.

இந்த வாழை மரங்கள் நல்ல விளைச்சல் அடைந்து இருந்தன. நூற்றுக்கும் மேற்பட்ட ஏக்கரில் இன்னும் 15 நாட்களில் வாழை குலைகள் வெட்டும் நிலையில் இருந்தன.

சின்னமனூர், ஓடைப்பட்டி சுற்றுவட்டார பகுதியில் நேற்று முன்தினம் மாலை 5 மணியளவில் பலத்த மழை பெய்தது. சுமார் 1 1/2 மணி நேரம் தொடர்ந்து மழை கொட்டித் தீர்த்தது. இதனை தொடர்ந்து நள்ளிரவில் சின்னமனூர், சீப்பாலக்கோட்டை பகுதியில் பலத்த சூறாவளிக் காற்று வீசியது.

பல மணி நேரத்திற்கு பலத்த காற்று வீசியதால் அந்த பகுதியில் சாகுபடி செய்யப்பட்டு இருந்த வாழைகள் தாக்குப்பிடிக்காமல் குலையுடன் முறிந்து விழுந்தன. சுமார் 100 ஏக்கர் பரப்பளவில் சாகுபடி செய்யப்பட்டு இருந்த 1 லட்சத்து 20 ஆயிரத்திற்கும் மேற்பட்ட வாழை மரங்கள் அடியோடு சாய்ந்து சேதம் அடைந்தன.

இதனால் இந்த பகுதிகளைச் சேர்ந்த விவசாயிகளுக்கு சுமார் ரூ.4 கோடி அளவில் நஷ்டம் ஏற்பட்டு உள்ளது. முந்தைய நாளில் கம்பீரமாக நின்ற வாழைகள் சில மணி நேர காற்றுக்கு ஒடிந்து விழுந்ததை பார்த்த விவசாயிகள் சிலர் வேதனையில் கண்ணீர் வடித்த காட்சிகள் பரிதாபத்தை ஏற்படுத்தியது.

பருவமழைகள் ஏமாற்றிய நிலையில் கிணற்றுப் பாசனத்தையும், ஆழ்குழாய் கிணற்று தண்ணீரை கொண்டு கண்ணும், கருத்துமாக காப்பாற்றி வந்த வாழைகள் ஒரே நாளில் அடியோடு சாய்ந்து போனதால் விவசாயிகள் கவலை அடைந்துள்ளனர். பாதிக்கப்பட்டவர்களுக்கு அரசு போதிய நிவாரணம் வழங்க வேண்டும் என்று விவசாயிகள் கோரிக்கை விடுத்து உள்ளனர்.

இதுகுறித்து சீப்பாலக்கோட்டையை சேர்ந்த விவசாயி மணி கூறும் போது, நான் சுமார் 2 ஆயிரம் வாழை மரங்களை தோட்டத்தில் வளர்த்து வந்தேன். இதில் 1,800-க்கும் மேற்பட்ட வாழைகள் சூறைக்காற்றுக்கு முறிந்து விழுந்து உள்ளது. இந்த நஷ்டத்தை எப்படி சமாளிப்பது என்று தெரியவில்லை. கஷ்டப்பட்டு வளர்த்த வாழைகள் முறிந்து போய் கவலையை கொடுத்து உள்ளது. பாதிக்கப்பட்ட விவசாயிகளுக்கு அரசு நிவாரணம் வழங்க வேண்டும் என்றார்.

மாலைமலர்

by **எந்திரன்** Wed 17 Apr 2013 - 11:14

அடப்பாவமே :’

தேனி அருகே சூறாவளி காற்று: ரூ.4 கோடி வாழைகள் சாய்ந்து நாசம்

தேனி அருகே சூறாவளி காற்று: ரூ.4 கோடி வாழைகள் சாய்ந்து நாசம்

Re: தேனி அருகே சூறாவளி காற்று: ரூ.4 கோடி வாழைகள் சாய்ந்து நாசம்