பிரசவத்துக்கு பின் தாம்பத்திய உறவு எப்போது வைத்துக் கொள்ளலாம்.

கர்ப்பமாக இருக்கும் பெண்களுக்கு பிரசவம் ஆகும் வரை தன் உடல் நிலையையும் வயிற்றில் வளரும் குழந்தையையும், கவனமாக பார்த்துக் கொள்வது முதல் கடமை என்றால், குழந்தை பிறந்த பிறகோ அதற்கு தாய்ப்பால் கொடுப்பதற்கும், குழந்தையைக் கவனித்துக் கொள்வதற்கும் தன்னுடைய பச்சை உடம்பு வலுப்பெறுவதற்கும், தன்னை முன்னைவிட நன்றாக கவனித்துக் கொள்வது ரொம்ப ரொம்ப முக்கியம்.

இதற்கு சத்தான உணவுகள் மட்டும் போதாது. ஒரு தாய் நல்ல ஆரோக்கியத்துடன் இருந்தால்தான் அவள் குடும்பமும் ஆரோக்யமாக இருக்க முடியும். அதிலும் குறிப்பாக பிரசவமான பெண்கள் உடலின் உள் ஆரோக்கியத்தை மட்டும் பார்க்காமல், வெளி ஆரோக்யத்தையும் அதாவது எக்ஸர்சைஸ் மூலம் உடலையும் ஷேப்பாக சிக்கென்று வைத்துக் கொள்ளுங்கள்.

உங்கள் தாம்பத்யமும் தடுமாறாமல் செல்லும்! `கர்ப்பகாலத்தில் உறவு கொள்ளலாமா?' என்பதுமாதிரியே, `பிரசவத்துக்குப் பிறகு எத்தனை நாள் கழித்து உறவு கொள்ளலாம்?' என்பதிலும் பலருக்கு சந்தேகம் இருக்கும். பிரசவத்துக்கு பிறகு ஒரு மாதம் கழித்து உறவில் ஈடுபடலாம்.

இதில் `அந்த பெண்ணுக்கு பிரசவம் எப்படி அமைந்தது' என்பது, மிகவும் முக்கியம். சிக்கலான பிரசவமாகவோ, சிசேரியனாகவோ இருந்தால் மருத்துவரின் ஆலோசனையின் பேரில், அவர் குறிப்பிடும் நாட்களுக்கு பிறகே தாம்பத்திய உறவு கொள்ள வேண்டும்.

`இயல்பான பிரசவம்' என்றால், பெண்ணின் உடம்பு சீக்கிரமே சகஜநிலையை அடைந்துவிடும்.அப்படிப்பட்டவருக்கு ஒருமாத இடைவெளி போதுமானதே. அதற்கு முன்பாக குழந்தை பிறப்பால் பெண்ணின் உறுப்பில் காயங்கள் இருக்கும். `புண் ஆறி விட்டதா?' என்பதை நிச்சயப்படுத்திக் கொள்வது நல்லது.

சிறந்த மருத்துவக் கட்டுரைக்கு நன்றி தல :]

பயனுள்ள பதிவு நன்றி சம்ஸ் அண்ணா