இலைகளை உதிர்க்கும் மரம்..

by **rammalar** Thu 25 Apr 2013 - 19:20

மேற்கிலிருந்து வீசுவதால்
கிழக்கில் திரள்கின்றன
உதிர்ந்த இலைகள்
>பாஷோ
-
இலைகள் மரத்திலிருந்து உதிர்வது
இயல்பாக நடக்கும்போது
அது அழகு.
பிறப்பும் அப்படித்தான்
இறப்பும் அப்படித்தான்
இயல்பாக பூக்கிறபோது
புன்னகையும் பூவாகி விடுகிறது
இறப்பு நிறைவாக வேண்டுமானால்
இலைக்கும் மரத்திற்குமான ரத்த
சம்பந்தம் முடிந்து போகும்போது
தான்
அது சருகாக முடியும்…
-
அப்போது உதிர்கையில் அது
கலகலத்துக் கொண்டே
சங்கீத இசையுடன் விழுகிறது.
-
இலையாக இருக்கும்போது
எழாத சப்தம்
சறுகாக மாறுகையில் நடப்பது
வாழ்ந்து முடிந்த அனுபவத்தின்
அடிப்படையில்தான்
-
இலையாக இருக்கும்போது
எடையுடன் இருப்பது –
சருகாகும்போது கனமிழந்து
விடுகிறது-
இலை இளமை – சருகு முதுமை
முதுமைக்கென்று ஓர் அழகு உண்டு
-
அது இளமையைக் காட்டிலும்
மகத்தானது.
முதுமையில் நெற்றிச்சுருக்கங்கள்
கூடி
வாழ்க்கை எழுதிய வரிகளாய்
கண்களில் கருணை ஊறி
காலம் எழுதிய கவிதையாய்
அழகைக் கூட்டுகிறது
-
கோவைக்காயாய் இருக்கும் இளமை
கோவைப்பழமாய் மாறுகையில்
அழகு மிளிர்கிறது...
காற்று வந்து கழுத்தை
நெரிக்கும்போது
சருகுகள் மட்டுமல்ல -
இலைகளும் உதிர்ந்து விடுகின்றன...
-
---------------------------
>இறையன்பு,

by **கைப்புள்ள** Thu 25 Apr 2013 - 22:48

இலைகளை உதிர்க்கும் மரம்..

இலைகளை உதிர்க்கும் மரம்..

Re: இலைகளை உதிர்க்கும் மரம்..