கராச்சி: அரசியல் கட்சி அலுவலகங்கள் அருகே குண்டு வெடிப்பு - 5 பேர் பலி

by *சம்ஸ் Sun 28 Apr 2013 - 7:51

கராச்சி, ஏப். 28-

கராச்சி நகரில் நேற்று இரவு 2 இடங்களில் நிகழ்ந்த குண்டு வெடிப்பு சம்பவங்களில் 5 பேர் பலியாகினர். 44 பேர் படுகாயமடைந்தனர்.

கராச்சியில் பிகா-இ-ஜப்ரியா மசூதி அருகே உள்ள முத்தாஹிதா குவாமி இயக்கம் அலுவலகம் அருகே நிகழ்ந்த குண்டு வெடிப்பில் 2 பேர் பலியாகினர். 25 பேர் படுகாயமடைந்தனர்.

குண்டு வெடித்த நேரத்தில் கட்சி அலுவலகம் மூடி இருந்ததால், அப்பகுதியில் மக்கள் நடமாட்டம் அதிகம் இல்லை. அதனால், பலி எண்ணிக்கை குறைந்தது.

கராச்சியின் லியாரி நகர் பகுதியில் உள்ள பாகிஸ்தான் மக்கள் கட்சி அலுவலகம் அருகே நேற்று தேர்தல் பிரசார கூட்டம் நடைபெற்றது. அப்போது அங்கு நிறுத்தி வைக்கப்பட்டிருந்த ஒரு மோட்டார் சைக்கிளில் இருந்த குண்டு வெடித்ததில் சிறுமி உட்பட 3 பேர் பலியாகினர். 19 பேர் படுகாயமடைந்தனர்.

இந்த சம்பவங்களுக்கு பாகிஸ்தான் காபந்து பிரதமர் மிர் ஹசர் கான் கோசோ, இங்கிலாந்தில் தஞ்சம் அடைந்துள்ள முத்தாஹிதா குவாமி இயக்கத் தலைவர் அல்தாப் ஹுசேன் ஆகியோர் கண்டனம் தெரிவித்துள்ளனர்.

மாலைமலர்.