வீதியில் வாரி இறைக்கப்பட்ட யூரோ நாணயத் தாள்களால் பெல்ஜியத்தில் பரபரப்பு!

by **veel** Tue 30 Apr 2013 - 8:53

பெல்ஜியம் நாட்டில், பணத்தை சாலைகளில் வாரி இறைத்து, திருடர்கள் தப்பிச் சென்றனர். ஐரோப்பிய நாடான பெல்ஜியத்தின், ஜெதல்ஜெம் நகரில் உள்ள ஒரு வீட்டில் திருட்டை முடித்துக் கொண்டு பணப் பைகளுடன் வெளியே வந்த திருடர்கள், போலீசார் வருவதைக் கண்டு அதிர்ச்சியடைந்தனர். உடனே, தாங்கள் வைத்திருந்த பணப் பைகளை காரில் வைத்துவிட்டு, போலீசாரை திசை திருப்ப, தாங்கள் கொள்ளையடித்த பணத்தில் இருந்து, ஒரு பங்கை, சாலையில் வீசி எறிந்துவிட்டு ஓடினர். சாலையில் 50,100, 200 யூரோ நாணயத் தாள்கள் இறைந்து கிடப்பதைக் கண்ட மக்கள் வேகமாக எடுத்து தங்கள் பாக்கெட்டை நிரப்பிக் கொண்டனர்.

மக்கள் அங்குமிங்கும் ஓடியதால், போலீசார் திருடர்களைப் பிடிக்காமல், கோட்டை விட்டனர். பொதுமக்கள், தாங்கள் எடுத்த பணத்தை, திருப்பி ஒப்படைக்கும் படி போலீசார் உத்தரவிட்டு உள்ளனர். இதையடுத்து, சிலர், தங்கள் எடுத்துச் சென்ற பணத்தை போலீசாரிடம் திருப்பிக் கொடுத்து உள்ளனர். இதுவரை 11 ஆயிரம் யூரோ மட்டுமே திரும்பக் கிடைத்துள்ளது. "இன்னும் கணிசமான அளவு பணம் கிடைக்கவில்லை; கொள்ளையடிக்கப்பட்ட பணத்தை வைத்திருந்தது கண்டுபிடிக்கப்பட்டால், அவர்களுக்கு, 2 ஆண்டுகள் வரை சிறைத் தண்டனை கிடைக்கும்' என, போலீசார் எச்சரித்து உள்ளனர்.

http://www.seithy.co.