ஈரான் தூதர் கைது: காரணம் வெளியாகாததால் சர்ச்சை

by *சம்ஸ் Sun 5 May 2013 - 7:53

துபாய், மே.5-

ஈரான் நாட்டின் ஐ.நா. சபை தூதராக பணியாற்றுபவர் பக்ஹர் அசாடி (61). இவர் 8 வளரும் நாடுகளின் குழுவிலும் முக்கிய பொறுப்பு வகிக்கிறார். இந்நிலையில் ஈரான் தலைநகர் டெஹ்ரானில் அவர் திடீரென்று கைது செய்யப்பட்டார்.

தற்போது அவர் எங்கு இருக்கிறார் என்பது தெரியவில்லை. மேலும் அவர் எங்கு? எதற்காக கைது செய்யப்பட்டார்? என்ற விவரம் எதுவும் வெளியிடப்படாதது பெரும் சர்ச்சையை ஏற்படுத்தியது.

இதற்கிடையில் தூதர் அசாடி கைது விவகாரம் பற்றி ஈரான் வெளியுறவுத்துறை மந்திரி அலி அக்பர் சலே கருத்து தெரிவிக்கையில், இது தவறான புரிந்துகொள்ளுதல் அடிப்படையில் நடந்து விட்டது என்றார். ஆனால் அவரை யார் கைது செய்தார்கள்? என்பதற்கு மந்திரி பதில் தரவில்லை.

மாலைமலர்