தமிழ்நாட்டுக்கான மண்ணெண்ணெய் அளவு குறைப்பு:

தமிழ்நாட்டுக்கான மண்ணெண்ணெய் அளவு குறைப்பு:
மத்திய அரசுக்கு விளக்கம் கேட்டு உச்ச நீதிமன்றம் நோட்டிஸ்
தமிழ்நாட்டுக்கான மண்ணெண்ணெய் அளவை குறைத்தது தொடர்பாக தமிழக அரசு தொடர்ந்த வழக்கில் மத்திய அரசுக்கு விளக்கம் கேட்டு உச்ச நீதிமன்றம் நோட்டிஸ் அனுப்பி உள்ளது.

பொதுவிநியோக திட்டத்தின் மூலமாக ஏழை மக்களுக்கு மண்ணெண்ணெய் வழங்குவதற்காக மத்திய அரசு, தமிழ்நாட்டுக்கு மாதம் தோறும் 65 ஆயிரத்து 140 கிலோ லீற்றர் அளவு மண்ணெண்ணெய் வழங்கி வந்தது. கடந்த 2011 ஆம் ஆண்டு ஏப்ரல் மாதத்திற்கு பிறகு, மண்ணெண்ணெய் அளவை மத்திய அரசு கொஞ்சம் கொஞ்சமாக குறைக்க தொடங்கிவிட்டது.

தற்போது மத்திய அரசு வழங்கும் மண்ணெண்ணெயின் அளவு 20 ஆயிரத்து 60 கிலோ லீற்றர்தான். இதனால் 98 இலட்சம் குடும்பங்கள் பாதிப்பு அடைந்துள்ளன. இதை எதிர்த்து, தமிழக அரசு உச்ச நீதிமன்றத்தில் வழக்கு தொடர்ந்தது. ஏற்கனவே வழங்கிய 65 ஆயிரத்து 140 கிலோ லீற்றர் அளவு மண்ணெண்ணெயை தொடர்ந்து வழங்க உத்தரவிட வேண்டும் என்று மனுவில் கூறப்பட்டு உள்ளது.

மனுவை விசாரித்த தலைமை நீதிபதி அல்டமாஸ் கபீர், நீதிபதி விக்ரம்ஜித் சென் ஆகியோர் அடங்கிய பெஞ்ச், இதுகுறித்து விளக்கம் கேட்டு மத்திய அரசுக்கு நோட்டீஸ் அனுப்ப உத்தரவிட்டது.

இப்படி செய்வது நியாயம் இல்லை

மத்திய அரசு உத்தரவை மாற்ற வேண்டும்