தாயைக் கடித்த மகன்

தாயைக் கடித்த மகன்
பள்ளிக்கூடம் விட்டு வீடு திரும்பிய குப்பன் "அம்மா! பக்கத்துப் பையன் மாணிக்கத்தின் புத்தகம் இது. அவன் அறியாமல் இதை எடுத்து வந்தேன்" என்றான்.

அவனைக் கண்டிக்காத தாய் "மகனே! உன் திறமை யாருக்கு வரும்?" என்று பாராட்டினாள்.

அடுத்த நாள் இன்னொரு பையனின் பேனாவுடன் வந்தான் அவன்.

இப்பொழுதும் அவனைப் புகழ்ந்து பேசினாள் அவள்.

இப்படியே சிறு சிறு திருட்டுகள் செய்து வந்த அவன் நாளடைவில் பெரிய திருடன் ஆனான். அவன் பெயரைக் கேட்டாலே ஊர் மக்கள் நடுங்கினார்கள்.

காவலர்களிடம் ஒருநாள் அவன் சிக்கிக் கொண்டான்.

நீதிபதி அவனுக்குத் தூக்குத் தண்டனை விதித்தார்.

தூக்கு மேடைக்கு அவனை அழைத்துச் சென்றார்கள். செய்தி கேட்ட அவன் தாய் அலறினாள். "ஐயோ! மகனே! உனக்கு இந்தக் கதியா வர வேண்டும்" இதற்காகவா உன்னைப் பெற்றெடுத்தேன்?" என்று அழுது புலம்பியபடியே அந்த இடத்திற்கு வந்தாள்.

தன் தாயைப் பார்த்த குப்பன் அங்கிருந்த காவலர்களிடம் "என் தாயிடம் பேச அனுமதி வேண்டும்" என்றான். அவர்களும் தந்தார்கள்.

"மகனே" என்று அவனைக் கட்டிப்பிடித்த அவள் அழுது கண்ணீர் வடித்தாள்.

ஆனால் அவனோ தன் தாயின் காதைக் கடித்துத் துண்டாக்கினான்.

வலி தாங்காமல் துடித்த அவள் "மகனே! ஏன் என் காதைக் கடித்துத் துண்டாக்கினாய்? நான் வேதனைப்படுவதில் உனக்கு மகிழ்ச்சியா?" என்று அலறினான்.

"உன்னால்தான் நான் இன்று தூக்கில் தொங்கப் போகிறேன். அதற்குத் தண்டனைதான் இது" என்றான் அவன்.

"மகனே! நான் உன்னைத் திருடச் சொன்னேனா? என் மீது வீண் பழி சுமத்துகிறாயே" என்று புலம்பினாள் அவள்.

"அம்மா! நான் முதன் முதலில் புத்தகத்தைத் திருடிய போது என்னை நீ அடித்துக் கண்டித்திருந்தால் நான் திருடுவதை விட்டிருப்பேன். நான் திருடுவதற்கு நீ ஊக்கம் தந்தாய். பாராட்டுகளால் மகிழ்ந்த நான் பெருந் திருடன் ஆனேன். இன்று தூக்கில் தொங்கிச் சாகப் போகிறேன். நான் திருடன் ஆனதற்கு நீ காரணமா இல்லையா சொல்?" என்று கேட்டான் அவன்.

மகன் தூக்கில் தொங்கத் தான்தான் காரணம் என்பதை உணர்ந்த அவள் அழுதாள்.

இந்த தாயின் ஊக்கமும் சிறுவன் கேட்ட வழியில் செல்ல ஒரு காரணமாக இருந்தது

நல்ல கதை

தாய்மார்களுக்கு தேவையான கதை

அவன் நல்லவனாவதும் தீயவனாவும் அன்னை வளர்ப்பினிலே

:/:/

:/