ஹரியானா: 200 அடி போர்வெல் குழாய்க்குள் விழுந்த சிறுமி உயிருடன் மீட்பு

by *சம்ஸ் Thu 30 May 2013 - 6:38

பால்வால், மே 30-

ஹரியானா மாநிலம் பால்வால் பகுதியை சேர்ந்த அமர்ப்பூர் கிராமித்திற்கு தனது தாய்மாமன் வீட்டிற்கு 4 வயது சிறுமி தனது தாயுடன் வந்திருக்கிறாள். நேற்று வீட்டின் அருகே விளையாடிக்கொண்டிருந்த அந்த சிறுமி தெரியாமல் 200 அடி போர்வெல் குழாய்க்குள் தவறி விழுந்துவிட்டாள்.

செய்தி அறிந்து பதறித்துடித்த உறவினர்கள் ஒன்றும் செய்வது அறியாது மாவட்ட நிர்வாகத்திற்கு தகவல் தெரிவித்தனர். மாவட்ட அதிகாரிகளும் மீட்புக்குழுவினரும் உடனடியாக சம்பவ இடத்திற்கு வந்தனர். அந்த சிறுமி போர்வெல் குழாயில் 25 வது அடியில் சிக்கி இருப்பதை கண்டு பிடித்தனர். இதை தொடர்ந்து போர்வெல் குழாய்க்கு அருகில் ஜெ.சி.பி இயந்திரத்தைக் கொண்டு தோண்டப்பட்டது. 8 மணிநேர கடும் முயற்சிக்குப் பிறகு இரவு சிறுமி உயிருடன் மீட்கப்பட்டார்.

மீட்கப்பட்ட போது அவர் சுயநினைவுடன் இருந்தார். அவருக்கு உடனடியாக முதலுதவி அளிக்கப்பட்டு, மருத்துவமனைக்கு கொண்டு செல்லப்பட்டார்.