ஓரம் போ.. ஓரம் போ!...

by **Muthumohamed** Mon 3 Jun 2013 - 2:50

தெற்காசிய நாடுகளில் ஒன்றான கம்போடியாவில் ரயில் பயண அனுபவத்துக்கு வெளிநாட்டுக்காரர்கள் ஆளாய்ப் பறக்கிறார்கள். விலை உயர்ந்த, ஆடம்பர வசதிகள் கொண்ட, இனிய ரயில் பயணத்தில் கிடைக்கும் சுகத்திற்காக அல்ல. இது வேறு டிபார்ட்மென்ட். கம்போடியா ரயில் சேவை ரொம்பவே மோசம். சொன்ன நேரத்திற்கு வராமல் லேட்டாக வந்தால் கூட பரவாயில்லை, எப்ப வரும் எப்படி வரும் என்றே தெரியாது. பொறுத்துப் பொறுத்துப் பார்த்த கம்போடியாவின் வட பகுதி மக்கள் ஒரு முடிவுக்கு வந்துவிட்டார்கள். அதாவது சொந்தமாகத் தாங்களே ரயில் சேவையைத் தொடங்கிவிட்டார்கள். எப்படி?

தங்கள் வசதிக்கேற்ப மூங்கில்களால் பிணைக்கப்பட்ட பத்து பேர் உட்காரும் அளவுக்கு இடவசதி உடைய, ஒரு சிறிய கம்பார்ட்மென்ட்டை உருவாக்கினார்கள். தண்டவாளத்தில் ஓடக்கூடிய சிறிய சக்கரங்களின்மேல் அந்த கம்பார்ட்மென்ட்டை இணைத்து, பெட்ரோல் மூலம் இயங்கக்கூடிய இஞ்சின் ஒன்றைப் பொருத்தி வண்டியை ஸ்டார்ட் செய்து ஜமாய்த்துவிட்டார்கள். 40 கி.மீ. வேகத்தில் ஓடுகிறது இந்த மூங்கில் ரயில்.

ஓரம் போ.. ஓரம் போ!... P53

by **Muthumohamed** Mon 3 Jun 2013 - 2:50

ஒருவேளை எதிர்புறம் இருந்து இன்னொரு மூங்கில் வண்டி வந்தால் எப்படி சைடு வாங்குவார்கள் என் றால், வந்து விழுகிறது பலே பதில். எந்த வண்டியில் குறைவான ஆட்கள் இருக்கிறார்களோ, அவர்கள் தங்கள் வண்டியுடன் தண்டவாளத்தை விட்டு இறங்கி வழிவிட வேண்டும். அந்த வண்டி சென்ற பிறகு, இந்த வண்டியைத் திரும்பவும் இரண்டு நிமிடங்களில் அசெம்பிள்செய்து தங்கள் பயணத்தைத் தொடரவேண்டும் என்பது அவர்களுக்குள் எழுதப்படாத விதியாம். ஒருவேளை எதிர்ப்புறம் உண்மையான ரயில் வந்தால் என்ன ஆகும் என்ற கவலை நமக்கு உண்டு. அட, அந்த மாதிரி ரயில் வந்தா, நாங்க ஏன் மூங்கில் வண்டியைத் தேடுகிறோம் என்று சொல்கிறார்கள்.

ஓரம் போ.. ஓரம் போ!... P52a

புல்லட் ரயில், மோனோ ரயில், மெட்ரோ ரயில் எனப் பலதரப்பட்ட ரயில்களில் பயணித்து அலுத்துவிட்ட வெளிநாட்டுக்காரர்களுக்கு இந்த மூங்கில் வண்டிப் பயணம் புதுமை யானதாக இருக்கிறது. ஓர் இடத்தில் இருந்து இன்னோர் இடத்திற்கு வெறும் இரண்டு டாலர்கள் செலவில் செல்ல முடிவதை அவர்கள் ஆச்சர்யத் துடன் அனுபவிக்கிறார்கள்.

- டைம் பாஸ்