ஹாலிவுட் நாயகிகளை ஓரம் கட்டிய நம்ம ஊர் நாயகி

சினிமா படங்களில் அழகான பெண் யார் என்ற பட்டியலை லாஸ்ஏஞ்சல்ஸ் டைம்ஸ் பத்திரிகை வெளியிட்டுள்ளது. அதில் பிரபல ஹாலிவுட் நாயகிகள் நடாலி போர்ட்மேன், ஜூலியா ராபர்ட்ஸ் ஆகியோரை பின்னுக்கு தள்ளி பட்டியலில் இடம்பிடித்திருக்கிறார் இந்திய நடிகை பிரெய்டா பின்டோ (26). இவர் ஆஸ்கர் விருது பெற்ற ஸ்லம்டாக் மில்லினர் படத்தில் கதாநாயகியாக நடித்தவர்


அழகழகான 50 நடிகைகளை கொண்ட பட்டியலை அமெரிக்காவின் லாஸ்ஏஞ்சல்ஸ் டைம்ஸ் பத்திரிகை வெளியிட்டுள்ளது. ஸ்லம்ணீடாக் மில்லியனர் படத்தின் கதாநாயகியும் பிரபல இந்திய மாடல் அழகியுமான பிரெய்டா பின்டோ இதில் 38-வது இடம் பிடித்திருக்கிறார்.


இவருக்கு அடுத்த இடத்தில் நடாலி போர்ட்மேன், அவருக்கு அடுத்து ஹாலிவுட்டின் ஆஸ்தான அழகியான ஜூலியா ராபர்ட்சும் உள்ளனர். ஹாலிவுட் சூப்பர்ஸ்டார் நடிகை ஏஞ்சலினா ஜூலி 23-வது இடம் பிடித்துள்ளார். பிரான்ஸ் நாட்டு பழம்பெரும் நடிகையும், இனிமையான குரலுக்கு சொந்தக்காரருமான இசபெல் அட்ஜானிதான் இந்த பட்டியலில் டாப். இவருக்கு அடுத்தடுத்த இடங்களில் அதே நாட்டை சேர்ந்த பிரிஜிட் பார்டாட், அமெரிக்க நடிகை கிம் பாசிஞ்சர், இத்தாலி நடிகை மோனிகா பெலுஸி, ஹல்லி பெர்ரி உள்ளனர். இவர்கள் அனைவரும் முன்னாள் கனவுக் கன்னிகள்.