வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு

by *சம்ஸ் Tue 18 Jun 2013 - 8:00

சென்னை, ஜூன்.18-

வருமான வரி செலுத்துவோரின் நலன் கருதியும், கடைசி நேர நெரிசலை தவிர்க்கும் வகையிலும் வங்கிகள் மற்றும் இணையதளம் மூலம் வருமான வரி செலுத்துவதற்கான ஏற்பாட்டை இந்திய ரிசர்வ் வங்கி அறிவித்துள்ளது. இது குறித்து இந்திய ரிசர்வ் வங்கியின் மண்டல இயக்குனர் வெளியிட்டுள்ள செய்திக்குறிப்பில் கூறியிருப்பதாவது:-

ஜூன் மாத கடைசியில் ரிசர்வ் வங்கியில் வருமான வரி செலுத்த வருபவர்களின் கூட்டம் அதிக அளவில் இருக்கும். இதற்காக கூடுதல் கவுண்ட்டர்கள் அமைக்கப்பட்ட போதிலும் வரிப்பணத்தை பெறுவதில் ஏற்படும் நெருக்கடியை சமாளிப்பதற்கு வங்கிக்கு சிரமமாகவே உள்ளது.

பொதுமக்களும் தேவையில்லாமல் அதிக நேரம் நீண்ட வரிசையில் காத்திருக்க வேண்டி உள்ளது. இந்த சிக்கல்களை தவிர்க்கும் வகையில் வரி செலுத்துவோர் கடைசி நேர நெரிசலை தவிர்த்து, குறித்த நாளுக்கு முன்னதாகவே வரியை செலுத்தலாம்.

மேலும் வரி செலுத்துவோரின் நலனை கருத்தில் கொண்டு சென்னையில் உள்ள தர மதிப்பீடுடைய பின்வரும் வங்கிகளின் குறிப்பிட்ட கிளைகளுக்கும் வரியை பெற அதிகாரம் அளிக்கப்பட்டுள்ளது. வங்கிகளின் விவரம் வருமாறு:-

பாரத ஸ்டேட் வங்கி, ஸ்டேட் பாங்க் ஆப் திருவாங்கூர், ஸ்டேட் பாங்க் ஆப் ஐதராபாத், ஸ்டேட் பாங்க் ஆப் மைசூர், ஸ்டேட் பாங்க் ஆப் படியாலா, அலகாபாத் வங்கி, ஆந்திரா வங்கி, பாங்க் ஆப் பரோடா, பாங்க் ஆப் இந்தியா, பாங்க் ஆப் மஹாராஷ்டிரா, கனரா வங்கி, சென்ட்ரல் பேங்க் ஆப் இந்தியா, கார்ப்பரேஷன் வங்கி, தேனா வங்கி, இந்தியன் வங்கி,

இந்தியன் ஓவர்சீஸ் வங்கி, பஞ்சாப் நேஷனல் வங்கி, சிண்டிகேட் வங்கி, யூனியன் பாங்க் ஆப் இந்தியா, யுனைடெட் பாங்க் ஆப் இந்தியா, யூகோ வங்கி, விஜயா வங்கி, ஆக்ஸிஸ் வங்கி, ஐ.சி.ஐ.சி.ஐ வங்கி, ஐ.டி.பீ.ஐ. வங்கி, எச்.டி.எப்.சி. வங்கி போன்ற வங்கிகளின் குறிப்பிட்ட கிளைகளில் செலுத்தலாம்.

இதில் பெரும்பாலான வங்கிகள் தங்கள் இணையதளம் மூலமாகவும் வரி செலுத்தும் வசதிகளை அளிக்கின்றன. வருமானவரி செலுத்துவோர் இந்த ஏற்பாடுகளை தங்கள் வசதிக்காக பயன்படுத்திக் கொள்ளலாம்.

இவ்வாறு அந்த செய்திக்குறிப்பில் கூறப்பட்டுள்ளது.

by **பானுஷபானா** Tue 18 Jun 2013 - 11:50

நன்றி

by **Muthumohamed** Tue 18 Jun 2013 - 14:04

நல்ல முயற்சி தான்

நேரப்பற்றாக்குறை குறையும்

ஆனாலும் வரி கட்டணும்னு நினைக்கிறவன் தான் வரி காட்டுவான் மற்றவர்கள் டிமிக்கி கொடுத்து விடுவார்கள்

by Sponsored content

வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு

வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு

Re: வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு

Re: வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு

Re: வங்கிகள் மற்றும் இணையதளம் மூலம் வருமான வரி செலுத்தலாம்: ரிசர்வ் வங்கி அறிவிப்பு