குழந்தை

by **rammalar** Thu 1 Aug 2013 - 17:22

-
பிரேமாவுக்கு ஒரு தனியார் பள்ளியில் ஆசிரியைப்
பணிக்காக நேர்முகத் தேர்வு கடிதம் வந்திருந்தது.
உற்சாகமாகக் கிளம்பினாள். வழியில் -
-
”ஏ. பிரேமா…”
-
யசோதா அத்தை. பரஸ்பரம் நலம் விசாரித்துக்
கொண்டார்கள்.
-
ஏண்டி பிரேமா, உன் கல்யாணம் நடந்து நாலு
வருஷம் ஆச்சே? குழந்தைங்க…?
-
இப்போதைக்கு குழந்தை வேண்டாம்னு இருக்கோம்
அத்தை”
-
”ஏன்டி?”
-
”என் கணவரோட சம்பளம் குடும்பச் செலவுக்குப்
போதாது. அதான் எனக்கும் ஒரு வேலை கிடைச்ச
பிறகு குழந்தை பெத்துகலாம்னு..”
-
”கடவுள் புண்ணியத்திலே சீக்கிரம் உனக்கு வேலை
கிடைச்சுடும்டி..”
-
நேர்முகத் தேர்வு முடிந்து பிரேமா திரும்பும்போது
வழியில் மறுபடியும் அத்தையைச் சந்தித்தாள்.
-
வேலை கிடைச்சிடிச்சி அத்தை…”
-
சந்தோஷம்டி, இனிமேலாவது நீ ஒரு குழந்தைக்குத்
தாயாகலாம்”
-
”இந்த ஸ்கூல்ல பிரசவத்துக்கு லீவு தரமாட்டாங்காம்.
இன்னும் மூணு வருஷத்துக்கு கர்ப்பம் ஆகக் கூடாதுன்னு
கண்டிஷன் போட்டுதான் வேலை கொடுத்திருக்காங்க…”
என்றாள் பிரேமா விரக்தியுடன்!
-
————————————–
>சந்திரா தனபால்
நன்றி: குமுதம்

by **kalainilaa** Fri 2 Aug 2013 - 6:51

*_ *_ *_

by **பானுஷபானா** Fri 2 Aug 2013 - 9:42

கதை நன்று
நம்ம ஒன்னு நினைச்சா தெய்வம் ஒன்னு நினைக்குது

by Sponsored content

குழந்தை

குழந்தை

Re: குழந்தை

Re: குழந்தை

Re: குழந்தை