தங்கம் விலை சவரனுக்கு ரூ. 520 உயர்வு

by *சம்ஸ் Sat Aug 17, 2013 1:53 pm

சென்னை, ஆக. 17–
கடந்த மாதம் விலை குறைந்து வந்த தங்கம் இந்த மாத தொடக்கத்தில் மீண்டும் அதிகரித்து வந்தது. பவுன் ரூ.19 ஆயிரம் வரை சென்ற தங்கம் கடந்த 7–ந்தேதி ரூ.20 ஆயிரத்தையும் 8–ந்தேதி ரூ.21 ஆயிரத்தையும், 13–ந்தேதி ரூ.22 ஆயிரத்தையும் தாண்டியது.
நேற்று திடீர் என்று ஒரே நாளில் பவுனுக்கு ரூ.840 அதிகரித்தது. ஒரு பவுன் ரூ.23,048–க்கும் ஒரு கிராம் ரூ.2881–க்கும் விற்கப்பட்டது. இன்றும் தங்கத்தின் விலையில் ஏற்றம் காணப்பட்டது.
இன்று பவுனுக்கு ரூ.520 அதிகரித்து ஒரு பவுன் தங்கம் ரூ.23,568–ஐ எட்டியது. ஒரு கிராம் 2,946 ஆக விற்கப்படுகிறது.
பங்கு சந்தை வீழ்ச்சி, இறக்குமதி வரி உயர்வு, இந்திய ரூபாய் மதிப்பு சரிவு ஆகியவை காரணமாக தங்கத்தின் விலை உயர்ந்து வருகிறது. உலகிலேயே இந்தியாவில் தான் தங்கம் அதிக அளவில் பயன்படுத்தப்படுகிறது. தங்கம் இறக்குமதிக்கு அன்னிய செலவாணி அதிகமாக பயன்படுத்தப்படுகிறது. இதனால் தங்கத்தின் பயன் பாட்டை கட்டுப்படுத்த மத்திய அரசு சில நடவடிக்கைகளை எடுத்து வருகிறது. எனவேதான் தங்கம் விலை அதிகரித்து வருகிறது. இது மேலும் உயர வாய்ப்பு உள்ளதாக வர்த்தகர்கள் தெரிவித்தனர். இந்த மாதத்தில் தங்கத்தின் (பவுனுக்கு) விலை ஏற்ற நிலவரம் வருமாறு:–
வெள்ளி விலையும் அதிகரித்து வருகிறது. நேற்று கிலோ ரூ.50,830 ஆகவும், கிராம் ரூ.54.40 ஆகவும் இருந்தது. இன்று ஒரு கிலோ வெள்ளி ரூ.51,630 ஆகவும், கிராம் ரூ.55.20 ஆகவும் உயர்ந்தது.
கடந்த 7–ந்தேதி வெள்ளி கிலோ ரூ.40,900–க்கு விற்கப்பட்டது. 10 நாளில் ரூ.10 ஆயிரம் வரை வெள்ளி விலை அதிகரித்துள்ளது.