மும்பையில் வெடித்து சிதறிய நீர்மூழ்கி கப்பலில் இருந்து 7-வது உடல் மீட்பு

by *சம்ஸ் Tue 20 Aug 2013 - 7:25

மும்பை, ஆக. 20-

மும்பை கடற்படை தளத்தில் நிறுத்தப்பட்டிருந்த நீர்மூழ்கி கப்பல் ஐ.என்.எஸ். சிந்து ரக்‌ஷக் கடந்த புதன் கிழமை அதிகாலை வெடித்து சிதறியது. அந்த கப்பலில் இருந்த தமிழக லெப்டினண்ட் கமாண்டர் வெங்கட் ராஜூ உள்பட 18 வீரர்கள் விபத்தில் சிக்கி கடலுக்குள் மூழ்கினர்.

மூழ்கியவர்களை மீட்கும் முயற்சி கடல் மிகவும் வெப்பமாக இருந்ததாலும், கடல் அலை வீசியதாலும் பாதிக்கப்பட்டது. இதனையடுத்து வீரர்கள் 18 பேரும் இறந்திருக்க அஞ்சப்பட்ட நிலையில் இரண்டு நாட்களுக்கு பிறகு மிகவும் உருக்குலைந்து போன 5 பேரின் உடல்கள் எடுக்கப்பட்டன.

நேற்று முன் தினம் ஒரு உடல் எடுக்கப்பட்டது. இரவு பகலாக அங்குலம் அங்குலமாக தேடப்பட்டு வரும் நிலையில் நேற்று மேலும் ஒரு வீரரின் உடலை கடற்படை நீர்மூழ்கி வீரர்கள் வெளியே எடுத்தனர். 7-வதாக எடுக்கப்பட்ட அந்த உடல் உடனடியாக அரசின் ஜே.ஜே. மருத்துவமனைக்கு பிரேத பரிசோதனைக்காக எடுத்துச்செல்லப்பட்டது.

வெடித்து சிதறிய கப்பலில் இருந்த வீரர்களின் உடல்கள் மிகவும் வெந்தும், சிதைந்தும் இருப்பதால் அவர்களின் டி.என்.ஏ. எடுக்கப்பட்டு வருகிறது. இதுவரை எடுக்கப்பட்டுள்ள உடல்கள் யாருடையது என்பதை அறிய அவர்களின் உறவினர்களிடமிருந்து ரத்தமும் சேகரிக்கப்பட்டுள்ளது.

by **Muthumohamed** Tue 20 Aug 2013 - 7:33

மிகவும் சோகமான நிகழ்வு தான்

மும்பையில் வெடித்து சிதறிய நீர்மூழ்கி கப்பலில் இருந்து 7-வது உடல் மீட்பு

மும்பையில் வெடித்து சிதறிய நீர்மூழ்கி கப்பலில் இருந்து 7-வது உடல் மீட்பு

Re: மும்பையில் வெடித்து சிதறிய நீர்மூழ்கி கப்பலில் இருந்து 7-வது உடல் மீட்பு