விண்வெளிக்கு ஈசி வழி! 7 மணி நேரத்தில் செல்லலாம்!

by **ராகவா** Tue 3 Sep 2013 - 17:10

சற்று தொலை தூர ஊர் என்றால் பஸ்,ரெயில் பயணத்திலேயே 7,8 மணி நேரம் ஆகும்.
ஆனால் சமீபத்தில் பூமியில் இருந்து விண்வெளியில் வீரர்கள் வெறும் 6 மணி நேரப் பயணத்தில் சர்வதேச விண்வெளி நிலையத்தைஅடைந்து சாதனை படைத்தது இருக்கிறார்கள்.

இரண்டு ரஷ்ய விண்வெளி வீரர்கள் ,ஓர் அமெரிக்க விண்வெளி வீரர்தான் அந்தச் சாதனையாளர்கள்.
கஸக்கிஸ்தானில் உள்ள பைகானூர் ஏவுதளத்தில் இருந்து ராக்கெட் மூலம் ஏவப்பட்ட இவர்களின் 'சோயூஸ் காப்சுல்ஸ்'விண்வெளிச் சுற்றுப்பாதை அவுட் போஸ்ட்டான சர்வதேச விண்வெளி நிலையத்தை 6 மணி நேரத்துக்குள்ளாக அடைந்து விட்டது.

வழக்கமான இந்த விண்வெளிப் பயணத்துக்கு ஆகக்கூடியது 51 மணி நேரம்.ஆனால் ஒரு 'குறுக்கு வழி'யில் சென்றதன் மூலம் 45 மணி நேரத்துக்குள் முன்னதாக சர்வதேச விண்வெளி நிலையத்தை வீரர்கள் அடைந்துவிட்டனர்.
எக்ஸ்பிரஸ் ரூட் என்ற புதிய வழியின் மூலம்,அமெரிக்க விண்வெளி வீரர் கிரிஸ் காஸ்டி,ரஸ்ய விண்வெளி வீரர்கள் பாவல் வினோகி ரடோவ்,அலெக்ஸ்சாண்டர்,மிருஸ்கின் குழுவின் சோஸ்கேப்ஸ்ல்ஸ்,வெறும் 5 மணி நேரம் 45 நிமிடங்களில் சர்வதேச விண்வெளி நிலையத்தைத் தொட்டது.

அங்குள்ள பாய்ஸ் மாட் ஊளில் 'பார்க்' ஆனது.ஐந்தரை மாத விண்வெளி ஆய்வு பயணமாக இக்குழு சென்றுள்ளது.
இதற்கு முந்தைய விண்வெளிப் பயணக் கலங்கள் அனைத்துமே -தோது நாசாவின் 'ஓய்வு பெற்ற' 'ஸ்பேஸ் சட்டல்களாக இருக் கட்டும்-சர்வேதேச நிலையத்தை எட்ட குறைந்த பட்சம் இரண்டு நாட்கள் எடுத்துக்கொண்டிருகின்றன.
இப்படி விரைவாக சர்வேதேச விண்வெளி நிலையத்தை எட்டியதால்,நெருக்கடியான விண்கலத்தில் இரண்டு நாட்களுக்கு அடைபட்டுக் கிடக்கும் அவஸ்தையில் இருந்து விடுதலை என்று நிம்மதி பெருமூச்சு விடுகிறார்கள்,இந்த விண்வெளி வீரர்கள்!

நன்றி:லைப் ஸ்டைல்