புத்தரின் போதனைகள்

by **rammalar** Fri 27 Sep 2013 - 3:51

ஒருநாள் கௌதம புத்தர் பிக்சைக்கு சென்று
கொண்டிருந்த நேரத்தில் அவர் உபதேசங்களில்
உடன்பாடில்லாத ஒருவன் அவரைக் கண்டபடி
ஏசினான்.
-
அவன் திட்டத் திட்டப் புன்னகை மாறாமல் புத்தர்
சென்று கொண்டிருந்தார். பின்னாலேயே வந்து
திட்டி ஓயந்தவனுக்கு அவர் புன்னகை சகிக்க
முடியாததாகவும் வியப்பைத் தருவதாகவும்
இருந்தது.
-
என்ன மனிதனிவர் என்று வியந்தவன் "ஏனய்யா
இத்தனை நான் திட்டியும் கொஞ்சமும் சூடு
சுரணை இல்லாத ஆளாய் இருக்கிறாயே?" என்று
கேட்டான்.
-
கௌதமர் அமைதியாகக் கேட்டார். "ஐயா, ஒரு
பொருளை ஒருவர் மற்றவருக்குக் கொடுக்கையில்
அவர் வாங்கிக் கொள்ள மறுத்தால் அப்பொருள்
யாருக்குச் சொந்தம்?"
-
"கொடுக்க முயன்றவருக்குத் தான் சொந்தம்.
இதிலென்ன சந்தேகம்?" என்றான் அவரைத்
திட்டியவன்.
-
"ஐயா. அது போல நான் தாங்கள் வழங்கிய
ஏச்சுக்களை ஏற்றுக் கொள்ளவில்லை. எனவே
அதெல்லாம் தங்களுக்கே" என்று சொல்லிய
கௌதமர் புன்னகை மாறாமல் அங்கிருந்து நகர,
அவரைத் திட்டியவன் பேச்சிழந்து நின்றான். ,
-
தகுதியில்லாதவன் நம்மை பரிகசிக்கும்பொழுது
புத்தரைப் போல புன்னகை செய்து நகர்வதே நலம்
-
-----------------