வடபகுதி மீனவர்களுக்கு வருடாந்தம் ரூ. 97,500 மில். நஷ்டம்

by **நண்பன்** Thu 7 Nov 2013 - 9:31

இந்தியாவின் தமிழக மீனவர் கள் இலங்கை கடற்பரப்பிற்குள் அத்துமீறி நுழைந்து மீன்பிடித் துச் செல்வதால் வடபகுதி மீனவர்களுக்கு வருடாந்தம் 97,500 மில்லியன் ரூபா நஷ்டமேற் படுவதாக மீன் ஏற்றுமதியாளர் கள் சங்கம் தெரிவிக்கிறது.

எனவே இந்த நிலைமையை கருத்திற்கொண்டு இந்திய மீனவர்களின் அத்துமீறிய வருகையை தடைசெய்ய உட னடியாக நடவடிக்கை எடுக்க வேண்டும் என மீன் ஏற்றுமதி சங்கம் அமைச்சர் ராஜித சேனாரட்ணவிடம் கோரிக்கை விடுத்துள்ளது.

இச்சங்கத்தின் தலைவர் ரொஷான் பெர்னாண்டோ அமைச்சர் ராஜித செனாரட்ணவுக்கு எழுதியுள்ள கடிதம் மூலம் இக்கோரிக்கையை விடுத்துள்ளார். தென்னிந்தியா விலிருந்து ஆயிரக்கணக்கான இழுவை படகுகள் தினமும் இரவு நேரங்களில் வட பகுதி கடலுக்குள் அத்துமீறி நுழைகின்றன. எமது மீன் வளத்தை சுரண்டிச் செல்வதுடன் கடல் வளத்தையும் அழிக்கின்றனர்.

இந்த நிலைமையினால் மீனவர்களின் வளம் அழிக்கப்படுகிறது. வடக்கில் யாழ்ப்பாணம், மன்னார், கிளிநொச்சி உட்பட வட பகுதி மீனவர்களுக்கு அநீதி இழைக்கப்பட்டுள்ளது.

தமிழக மீனவர்களின் அத்துமீறிய செயலினால் இரு நாடுகளுக்கு இடையேயும் உள்ள நட்புறவில் விரிசல் ஏற்படவும் வாய்ப்புகள் ஏற்படுகிறது. அத்துடன் சர்வதேச கடல் உடன்படிக்கையை மீறும் செயலாகவும் அமைகிறது. இழுவைப்படகுகள் மூலம் மீன் பிடிக்கும் முறை எமது நாட்டில் தடை செய்யப்பட்டுள்ள நிலையில் தமிழக மீனவர்கள் இழுவைப்படகுகள் மூலம் அத்துமீறி மீன் பிடிக்கிறார்கள்.

இதனைத் தடுக்க அமைச்சர் உடனடியாக நடவடிக்கை எடுக்க வேண்டும் என்றும் அந்த கடிதத்தில் சங்கத்தின் தலைவர் கேட்டுக் கொண்டுள்ளார். இதற்கு சகல ஒத்துழைப் புகளையும் வழங்க தமது சங்கம் தயார் என்றும் அவர் குறிப்பிட்டுள்ளார்.

தினகரன்..