தேர்{ஆறு}தல் கவிதைகள்

by **ந.க.துறைவன்** Wed 19 Mar 2014 - 6:52

First topic message reminder :

நோட்டோ தெரியுமா?
தெரியாது,எது தெரியும்?
ரூபாய் நோட்டு.
*
பேருந்தில் பச்சை இலை
உட்கார இடமில்லை
பறந்து விட்டது குருவி.
*
குற்றவாளிகளே
குற்றம் சாட்டிக் கொள்கிறார்கள்
கேட்டு ரசிக்கும் வாக்காளர்கள்.
*
வாக்காளர்களுக்கு
இலவசமாக அளிக்கப் பட்டது
துடப்பக் கட்டை.{தேர்தல் சின்னமல்லவா…}
*
பேசுவதைக் கேட்கிறார்கள்
செய்ததைக் கவனிக்கிறார்கள்
தீர்ப்பளிக்கும் வாக்காளர்கள்.
*

by **Nisha** Sat 29 Mar 2014 - 8:43

கைக் கொடுத்தவர்கள்
கையை விலக்கிக் கொண்டு
நம்பிக்கையை இழந்தது கை.

தேர்தல் ஜூரம் அனலடிக்க ஆரம்பித்து விட்டதா! காலத்துகேற்ப சம்பவங்களை கவிதையாக்கி இருக்கின்றீர்கள் சார்! அருமை!

தொடர்ந்து எழுதுங்கள், நன்றி

by **ந.க.துறைவன்** Sat 29 Mar 2014 - 10:06

பாராட்டுக்கு நன்றி நிஷா...

by **ந.க.துறைவன்** Mon 7 Apr 2014 - 6:48

தேர்தல் கவிதைகள்
*
பஸ்பயணம், தண்ணீர் பாட்டில்
சாப்பாடுப் பொட்டலம்
பசியைத் தீர்த்தது தேர்தல்.
*
அதிகாரிகள்
அரசியல் பிரவேசம்
தொண்டர்கள் அச்சம்.
*
சிக்கன நடவடிக்கை
எருமை மீது பயணம் செய்து
வாக்கு சேகரித்தார் வேட்பாளர்.
*
கருத்துக் கணிப்பு
எல்லாக் கட்சியினரும்
எதிர்த்துப் புறக்கணிப்பு.
*
யார் யாருக்கு என்ன பலம்
தீர்மானிக்கிறது
தேர்தல் களம்.

*

by **Nisha** Mon 7 Apr 2014 - 9:20

எருமை மீது ப்யணம் செய்தவரின் தேர்தல் சின்னம் எருமையாக் இருக்குமோ.. அப்போ அவர் வாயிலும் அடிக்கடி எருமை எனும் வார்த்தை வருமே!

எதில் வந்தாலும், போனாலும், சாப்பாடு த்ண்ணீர்னு ஒருவேளை பசியாறினால் போதும்னு நீண்ட நெடுங்காலம் பட்டினி கிடைக்க தயாராகும் அப்பாவி வாக்காளர் இருக்கும் வரை வேட்பாளர்களுக்கு கொண்டாட்டம் தான் !

தேறுதலாய் வரும் தேர்தல் கவிதை தொடரட்டும்!

by **ந.க.துறைவன்** Mon 7 Apr 2014 - 9:31

பாராட்டுக்கு நன்றி நிசா...

by **ahmad78** Mon 7 Apr 2014 - 15:50

அனைத்தும் அருமை

by **ந.க.துறைவன்** Tue 8 Apr 2014 - 7:42

பாராட்டுக்கு நன்றி அகமது...

by **ந.க.துறைவன்** Wed 9 Apr 2014 - 12:56

கோடீஸ்வர வேட்பாளர்கள்
பட்டியல் வெளியிட்டது
தேர்தல் ஆணையம்.
*
எந்த மெனுவும்
தள்ளுபடி யில்லை
மனுதான் தள்ளுபடி.
*
தேர்தல் களத்தில்
அனல் பறக்கிறது
பேச்சாளர்களின் பேச்சு.
*
கோயில் கட்டுவார்கள்
நிதானமாக வெட்டுவார்கள்
ஊழியர்கள் கோரிக்கைகள்.
*
நல்லாசி, நல்லாட்சி
பிறகு மெல்ல அரங்கேறும்
ஊழல் காட்சி.
*

by **ந.க.துறைவன்** Thu 17 Apr 2014 - 6:28

தரை இறங்கும் ஹெலிகேப்டர்…!
*
ஆரத்தி எடுத்தப் பெண்கள்
ஆக்ரோஷமாய் கத்தினார்கள்
பணம் பட்டுவாடா தகராறு.
*
புதுசா என்ன இலவசம்?
அறிவிப்பு வருமென்று
எதிர்பார்த்தார்கள் ஏழைகள்.
*
ஹெலிகேப்டர் இறங்க இறங்க
தலைஎணங்கி நிற்கிறார்கள்
தன்மானத் தமிழர்கள்.
*
சின்னங்களை வரவழைத்து
மாஜிக் காட்டினான்
வியந்துப் பார்க்கிறது கூட்டம்.
*
இந்திய வாக்காளர் பட்டியல்
சிறந்தத் தொகுப்பாக
கின்னஸ் தேர்வு.
*

by **ந.க.துறைவன்** Sat 19 Apr 2014 - 5:27

காந்தி சிரித்தார்…!!
*
தேர்தல் திருவிழாவில்
காணாமல் போனது
உண்மை, நேர்மை, வாய்மை.
*
குற்றச்சாட்டுக்கள் கேட்டார்கள்
தீர்ப்பளிப்பார்கள்
விவேகமான வேட்பாளர்கள்.
*
ஊழல் செய்தவர்களைக்
காரித் துப்புகிறது
சுடுகாட்டுப் பிணங்கள்.
*
வீட்டுக்கு வீடு வாசலில்
கருப்புக் கொடி, தேர்தலைப்
புறக்கணித்ததுக் கிராமம்.
*
வேட்பாளர் சிரித்தார்
வாக்காளர் சிரித்தார்
மறைவில் காந்தி சிரித்தார்.

*

by **Muthumohamed** Sat 19 Apr 2014 - 11:40

ஆறுதல் கவிதைகள் அருமை அருமை (பல உண்மைகள் இதன் மூலம் வெளிவருகிறது)

by **ந.க.துறைவன்** Sat 19 Apr 2014 - 17:18

நன்றி முத்துமகமது சார்...

by **Nisha** Sat 19 Apr 2014 - 18:18

தேர்தலை புறக்கணிப்பதால் காந்தி சிரித்தார்....எதனால் சிரித்திருப்பார்.

தம் வாக்குரிமையை மக்கள் சரியாக் பயன் படுத்தாததால் பாடுபட்டு சுதந்திரம் வாங்கியும் இந்த மக்கள் உணராது இருக்கின்றார்களே எனும் மன வேதனையில் சிரித்ததாய் எடுத்துக்கொள்ளலாமோ!

தன் மானத்தமிழினம் தலைவணங்குவது. தன் மானம் தலை குனியத்தான் என்பதை உணரபோவதும் இல்லை. தலை நிமிரப்போவதும் இல்லை.

தேர்தல் கவிதைகள் ஆறுதலாய் அல்ல அனலாய் பல உண்மைகளை வெளிக்கொண்ர்கிறது. பாராட்டுகள்.

தொடருங்கள் !

by **ந.க.துறைவன்** Sun 20 Apr 2014 - 8:53

பாராட்டுக்கு நன்றி நிஷா... அடுத்த வாரம் இறுதி கவிதைகள் இடம் பெநும்.

by **ந.க.துறைவன்** Tue 22 Apr 2014 - 5:48

*
எவருமில்லை அங்கே...!!
*
மழை பெய்து ஒய்ந்தது
மண் ஈரமாக வில்லை
வேட்பாளர்கள் வெற்றிப் பேச்சு.
*
ஊரே அமைதியாகி விட்டது
ஊர் திரும்பி விட்டார்கள்
வேட்பாளர்கள்.
*
எறும்பு போல வரிசையில்
வாக்காளர்கள்
விரலில் “ மை”.
*
வாக்களித்து விட்டு
வெளியில் வந்தேன்
எவருமில்லை அங்கே.
*
விடை பெறுகிறேன்
நண்பர்களே சந்திப்போம்
அடுத்த தேர்தல்.

*

by Sponsored content

தேர்{ஆறு}தல் கவிதைகள்

தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்

Re: தேர்{ஆறு}தல் கவிதைகள்