96 வயதில் பட்டம் வாங்கிய பாட்டி

by **ராகவா** Tue 10 Jun 2014 - 13:58

பல்வேறு காரணங்களுக்காகப் படிப்பைப் பாதியில் நிறுத்திய பலரும் பிறகு சோம்பல்பட்டு அதைத் தொடரவே மாட்டார்கள். சிலர் அரசு வேலையின் பொருட்டுத் தூசி தட்டுவார்கள். இன்னும் சிலர் ஒழுங்காகப் படித்திருந்தும் கட்டணம் செலுத்த முடியாமல் படிப்பைப் பாதியில் விட்டுவிடுவார்கள். அமெரிக்காவில் வாழும் ஜெசி ஒயிட். இவர் 1939-ல், பிரிட்டனின் இருந்தபோது அங்குள்ள கல்லூரி ஒன்றில் பட்டப் படிப்பை முடித்தார். ஆனால் பட்டத்தைப் பெறுவதற்கான கட்டணத்தைச் செலுத்த முடியாததால் அவரால் பட்டம் வாங்க முடியாமல் போய்விட்டது. காலங்கள் ஓடிவிட்டன. ஒன்றிரண்டு ஆண்டுகள் அல்ல, 75ஆண்டுகள். இப்போது அவருக்குத் திடீரெனப் பட்ட படிப்பைப் பூர்த்திசெய்ய வேண்டும் எனத் தோன்றியுள்ளது. இதை அறிந்த அவரது நண்பர் டோனா கில்பர்ட், கட்டணம் செலுத்தி பட்டம் பெற ஏற்பாடு செய்தார். 75 ஆண்டுகளுக்குப் பிறகு, 96 வயது அமெரிக்கப் பாட்டி பட்டம் பெற்றுள்ளார்.

நன்றி :தி ஹிந்து -