'வீட்டை காலி செய்ய அவகாசம் கொடுங்க!':'மாஜி' அமைச்சர்கள், எம்.பி.,க்கள் கெஞ்சல்

புதுடில்லி: முன்னாள் எம்.பி.,க்களுக்கு, டில்லியில் உள்ள அரசு வீடுகளை, காலி செய்வதற்கான கெடு முடிவடைவதற்கு ஒரு வாரமே உள்ள நிலையில், பெரும்பாலான மாஜிக்கள், வீட்டை காலி செய்வதற்கு, கூடுதல் அவகாசம் ஒதுக்கும்படி, மத்திய அரசிடம் கோரிக்கை விடுத்துள்ளனர்.

புதுமுகங்களுக்கு...


எம்.பி.,க்களாக தேர்வு செய்யப்படும் ஒவ்வொருவருக்கும், தலைநகர் டில்லியில், மத்திய அரசு சார்பில், வீடுகள் ஒதுக்கப்படுவது வழக்கம். பதவிக் காலம் முடிந்ததும், இந்த வீடுகளை அவர்கள் காலி செய்ய வேண்டும்.தற்போது, லோக்சபா தேர்தல் நடந்து முடிந்து, புதிய எம்.பி.,க்கள் பதவியேற்று உள்ளனர். இவர்களில் பெரும்பாலானோர், புது முகங்கள். இவர்களுக்கு டில்லி யில் வீடுகள் ஒதுக்க வேண்டிஉள்ளது.இதையடுத்து, இம்மாதம், 26ம் தேதிக்குள், வீடுகளை காலி செய்யும்படி, மத்திய நகர்ப்புற மேம்பாட்டு அமைச்சகம், முன்னாள் எம்.பி.,க்களுக்கு கெடு விதித்து உள்ளது.

112 பேர்
ஆனாலும், 90 முன்னாள் எம்.பி.,க்கள் மற்றும் முன்னாள் அமைச்சர்கள் 22 பேர், இன்னும் தங்களின் வீடுகளை காலி செய்யாமல் உள்ளனர்.இவர்களில் பெரும்பாலானோர், 'உடல்நலக் குறைவு ஏற்பட்டுள்ளதால், வீட்டை காலி செய்ய கூடுதல் அவகாசம் ஒதுக்க வேண்டும்' என, வலியுறுத்தி உள்ளனர்.இதனால், புதிய எம்.பி.,க்களுக்கு வீடு ஒதுக்க முடியாமல், மத்திய அரசு நெருக்கடி யில் சிக்கி உள்ளது.

*முன்னாள் எம்.பி.,க்கள் 90 பேரும், முன்னாள் அமைச்சர்கள் 22 பேரும், வீடுகளை காலி செய்ய, கூடுதல் அவகாசம் கேட்டு உள்ளனர்.
*சமீபத்தில் நடந்த லோக்சபா தேர்தலில், 315 புதுமுகங்கள் தேர்வு செய்யப்பட்டு உள்ளனர்.
*இவர்களில் பலர், அரசின் கட்டுப்பாட்டில் உள்ள நட்சத்திர ஓட்டல்களில் தங்க வைக்கப்பட்டு உள்ளனர். இதற்காக, மத்திய அரசு கோடிக்கணக்கில் செலவிட வேண்டியுள்ளது.
*கூடுதல் அவகாசம் கேட்கும் மாஜிக்களில், எஸ்.எம்.கிருஷ்ணா, முகுல் ராய், கபில் சிபல், முகுல் வாஸ்னிக், லாலு பிரசாத் யாதவ், முரளி தியோரா ஆகியோர், குறிப்பிடத்தக்கவர்கள்.

-தினமலர்

-
காலி செய்யும் காலம் வரை நட்சத்திர ஓட்டல்
கட்டணம் வசூலித்து விட வேண்டியதுதான்,,!
-