சுற்றுலா கண்காட்சி தொடக்கம்: பார்வையாளர்களுக்கு இலவச அனுமதி

-
சென்னை நந்தம்பாக்கம் வர்த்தக மையத்தில் சுற்றுலா கண்காட்சி வெள்ளிக்கிழமை தொடங்கியது.
இந்தக் கண்காட்சியை சுற்றுலாத் துறைச் செயலர் ஆர்.கண்ணன் தொடங்கி வைத்தார்.
தொடர்ந்து 3 நாள்கள் நடைபெறும் இந்தக் கண்காட்சியில் பார்வையாளர்கள் இலவசமாக அனுமதிக்கப்படுவார்கள்.
இது குறித்து ஸ்பியர் டிராவல் மீடியா நிறுவனத்தின் இயக்குநர் சஞ்சய் ஹக்கு கூறியது:
இந்தியா இன்டர்நேஷனல் டிராவல் மார்ட் சார்பில் இந்தக் கண்காட்சி நடத்தப்படுகிறது.
இந்தியா மற்றும் பல்வேறு நாடுகளில் உள்ள முக்கியமான சுற்றுலாப் பகுதிகள், புனித தலங்கள், சாகசப் பகுதிகள், கலாசார மற்றும் பண்பாட்டு இடங்கள், கடற்கரைகள், மலைகள் உள்ளிட்ட பகுதிகளுக்குச் செல்ல விரும்புவோருக்கு வழிகாட்டியாக அமையும் வகையில் இந்தக் கண்காட்சி நடத்தப்படுகிறது.
குறைந்த கட்டணம் மற்றும் தவணைத் திட்டங்கள் மூலமாக சுற்றுலா செல்வதற்கான வழிமுறைகள் குறித்து சுற்றுலாப் பயணிகளுக்கு ஆலோசனை வழங்கப்படும். காலை 11 மணி முதல் இரவு 7.30 மணி வரை நடைபெறும் இந்தக் கண்காட்சியில் பார்வையாளர்களுக்கு அனுமதி இலவசம். கண்காட்சி நடைபெறும் அனைத்து நாள்களிலும் குஜராத் மாநில நாட்டுப்புற நடன நிகழ்ச்சி நடைபெறுகிறது.
இதில் இந்தியா, நேபாளம், துபை, தாய்லாந்து உள்ளிட்ட 8 நாடுகளைச் சேர்ந்த பிரதிநிதிகள், 200-க்கும் மேற்பட்ட நிறுவனங்கள், 15 மாநிலங்களைச் சேர்ந்த சுற்றுலா வாரியங்கள், தேசிய அளவிலான சுற்றுலா ஏற்பட்டாளர்கள், சொகுசுக் கப்பல், விமானம் மற்றும் சுற்றுலா இணையதள நிறுவனங்களைச் சேர்ந்தவர்கள் கலந்து கொள்கின்றனர்.
சுற்றுலா வளர்ச்சியை அதிகரிக்கும் வகையில் சர்வதேச தரத்துடன் நடத்தப்படும் இந்தக் கண்காட்சியில் 15 ஆயிரத்துக்கும் மேற்பட்ட மக்கள் கலந்துகொள்வார்கள் என எதிர்பார்க்கிறோம் என்றார் அவர்.
-
–நன்றி: தினமணி

இலவசம் இன்றும் தன் வசம் இல்லாமல் போகிறது...
சுற்றுபுறத்தை பேணுவோம்..

எயா டிக்கட்டும் கிடைக்குமா 
ரசித்து மகிழ்ந்திட