நாளை பிரதமர் பிரேசில் பயணம்

by **rammalar** Sat 12 Jul 2014 - 16:10

புதுடில்லி:

-

நாளை பிரதமர் பிரேசில் பயணம் Tamil_News_large_1019967

பிரேசிலில் வரும் 14 மற்றும் 15ம் தேதி நடைபெற உள்ள பிரிக்ஸ் மாநாட்டில் கலந்துகொள்வதற்காக, இந்திய பிரதமர் நரேந்திர மோடி, நாளை (13ம் தேதி) பிரேசில் செல்ல உள்ளார். இந்த மாநாட்டில், வங்கி வளர்ச்சி மற்றும் 5 நாடுகளின் ஒத்துழைப்பு, சர்வதேச வங்கி கூட்டமைப்பில் மாற்றம் ஆகியன குறித்தும் விவாதிக்கப்படும் என்றும் தெரிகிறது. வரும் 14ம் தேதி ( திங்கட்கிழமை ) மற்றும் 15 தேதி (செவ்வாய்க்கிழமை) பிரேசிலில், பிரிக்ஸ் நாடுகள் கூட்டமைப்பு மாநாடு நடக்கிறது. இந்த மாநாட்டில் பிரிக்ஸ் நாடுகளான பிரேசில், ரஷ்யா, இந்தியா, சீனா, தென்ஆப்ரிக்கா ஆகிய நாடுகளின் தலைவர்கள் கலந்து கொள்கின்றனர்.
-
நாளை டில்லியில் இருந்து புறப்படும் பிரதமர் நரேந்திரமோடி , பெர்லினில் இரவு தங்குகிறார். தொடர்ந்து திங்கட்கிழமை காலை பிரேசிலின் வடகிழக்கு நகரமான போர்ட்லிசா சென்றடைகிறார். 5 நாட்டு தலைவர்கள் இணைந்து முக்கிய பேச்சு நடத்துகின்றனர். ஐ.நா., பாதுகாப்பு சபையில் இந்தியாவுக்கு நிரந்தர இடம் கிடைப்பது தொடர்பாகவும் ஆலோசிக்கப்படுகிறது.
-
பிரதமர் மோடியுடன் வர்த்தக அமைச்சர் நிர்மலா சீத்தாராமன், தேசிய பாதுகாப்பு செயலர் ஏ.கே.,டோவல், வெளியுறவு செயலர் சுஜாதாசிங், நிதித்துறை செயலர் அரவிந்த் மாயாராம், ஆகியோர் உடன் செல்கின்றனர்.
--

by **ராகவா** Sat 12 Jul 2014 - 17:32

பயணம் இனிதாக அமையட்டும்..

நாளை பிரதமர் பிரேசில் பயணம்

நாளை பிரதமர் பிரேசில் பயணம்

Re: நாளை பிரதமர் பிரேசில் பயணம்