கொள்ளை கோஷ்டியை மடக்கிப் பிடிக்க பொதுமக்களின் ஒத்துழைப்பு அவசியம்

பாதுகாப்பு அமைச்சின் செயலாளர் கோத்தபாய ராஜபக்ஷ எடுத்த நடவடிக்கைகள் காரணமாக இப்பொழுது கொழும்பிலும், ஏனைய நகரங்களிலும் பணயப் பணம் பெறுவதற்காக ஆட்களை கடத்திச் செல்லும் கொள்ளை கோஷ்டியினரின் செயற்பாடுகள் பெருமளவில் கட்டுப்பாட்டின் கீழ் கொண்டு வரப்பட்டுள்ளது.

கொழும்பு செட்டியார் தெருவிலுள்ள இரண்டு நகை வியாபாரிகளை இராணுவத்தினரின் சீருடையில் வந்த இந்த கொள்கை கோஷ்டியினர் கடத்திச் சென்று பயமுறுத்தி பல இலட்ச ரூபாவை அவர்களிடமிருந்து அபகரித்த பின்னர் விடுவித்து இருக்கிறார்கள்.

செட்டியார் தெருவிலுள்ள பிரபல வர்த்தகர் கடத்தப்பட்டு 20 இலட்சம் ரூபா பணய பணம் கேட்கப்பட்ட சம்பவம் குறித்து பாதுகாப்பு செயலாளருக்கு தகவல் கிடைத்தது.

அவர் ஒரு திட்டம் வகுத்து அவரை தனியார் வைத்தியசாலையில் சேர்க்கப்பட்டதாக நடிக்க செய்து, பணயபணத்தை பெற வந்த கொள்ளையர்கள் சுற்றி வளைத்து கொள்ளையர்களின் நாச வேலைக்கு முற்றுபுள்ளி வைத்தார். இதனால் பணயபணம் கேட்டு ஆட்கடத்தல் குற்ற செயல்கள் குறைந் துள்ளன.

இது பற்றி தகவல் தெரிவித்த ஒரு சிரேஷ்ட பொலிஸ் உத்தியோகத்தர், ஆட்கடத்தல் சம்பவங்கள் குறித்து பொலிஸாருக்கு இரகசிய தகவல் தெரிவித்தால் பொலிஸார் கொள்ளையர்களை தந்திரமாக கைது செய்வதற்கான திட்டத்தை வகுத்து செயற்பட முடியும் என்று கூறினார்.

இத்தகைய கொள்ளை கோஷ்டியினரால் பாதிக்கப்படும் பொதுமக்கள் பதற்றமடையா மல் அவதானமாக நடந்து பொலிஸார் கொடுக்கும் அறிவுறுத்தல்களை கடைப்பிடித்தால் நாம் இந்த கொள்ளையர்களை இலகுவில் கைது செய்ய முடியும் என்று கூறினார்

@. @.