53 தங்கக் கட்டிகளுடன் மூவர் மன்னாரில் கைது

by **நண்பன்** Wed 20 Aug 2014 - 9:08

53 தங்கக் கட்டிகளுடன் மூவர் மன்னாரில் கைது

சுமார் ஆறு கோடி ரூபா பெறுமதியான 53 தங்க கட்டிகளுடன் தலைமன்னாரில் மூவர் கைது செய்யப்பட்டுள்ளனர். சுமார் 12 கிலோ எடைகொண்ட 53 தங்க கட்டிகளையும் துணிகளுக்குள் மறைத்துக் கொண்டுசென்ற போதே இவை கைப்பற்றப்பட்டதாக பொலிஸ் ஊடக பேச்சாளர் சிரேஷ்ட பொலிஸ் அத்தியட்சகர் அஜித் ரோஹன தெரிவித்தார்.

சந்தேகத்துக்கிடமான வேன் ஒன்றை தலைமன்னார் பொலிஸார் நிறுத்தி சோதனையிட்டபோதே மேற்படி 53 தங்க கட்டிகளும் கைப்பற்றப்பட்டுள்ளன. தங்கக்கட்டிகள் அனைத்தும் 11 கிலோ 828 கிராம் எடைகொண்டவை என்றும் பேச்சாளர் மேலும் தெரிவித்தார்.

தங்கக்கட்டிகளை கடல் மார்க்கமாக தமிழ் நாட்டுக்கு கடத்தும் எண்ணத்திலேயே இவற்றை தலைமன்னாருக்கு எடுத்துச் சென்றிருக்கலாம் என பொலிஸார் சந்தேகிக்கின்றனர். இது தொடர்பில் கொழும்பு, வத்தளை, புத்தளம் பகுதிகளைச் சேர்ந்தவர்கள் கைது செய்யப்பட்டுள்ளனர். சம்பவம் குறித்து மேலதிக விசாரணைகள் நடைபெற்று வருகின்றன.

தினகரன்