புளூட்டோ 9வது கிரகம் இல்லை - அது குட்டி கிரகம்

by **சுறா** Sun 26 Oct 2014 - 7:00

சூரிய மண்டலத்தில் உள்ள கிரகங்களில் ஒன்றான புளூட்டோ தான் மொத்தம் உள்ள 9 கிரகங்களிலும் மிகச்சிறியது என்றும் அது குட்டிக்கிரகங்களை விட குட்டியாக இருப்பதாகவும் விஞ்ஞானிகள் கண்டு பிடித்து தெரிவித்து இருக்கிறார்கள்.
விஞ்ஞானிகள் எதிர்ப்பு
சூரிய மண்டலத்தில், பூமி, செவ்வாய், புதன், வியாழன், வெள்ளி, சனி, உள்ளிட்ட 9 கிரகங்கள் உள்ளன. இவற்றில் புளூட்டோ(Pluto) கிரகம் சூரியனைவிட்டு வெகுதொலைவில் இருக்கிறது என்றும், மிகச்சிறியது என்றும் எனவே அதை சூரிய மண்டலத்தில் சேர்க்கக்கூடாது என்றும் விஞ்ஞானிகள் எதிர்ப்பு தெரிவித்தனர்.
கடந்த ஆண்டு நடந்த சர்வதேச வானியல் ஆய்வு கழகத்தில் இதை சூரிய மண்டலத்தில் ஒரு கிரகமாக சேர்க்கக்கூடாது என்று தீர்மானிக்கப்பட்டு அதை குட்டிக்கிரகமாக அறிவிக்கப்பட்டது. மேலும் இந்த கிரகம் சூரிய மண்டலத்தின் விளிம்பு பகுதியில் அதாவது கைப்பர் பெல்ட் பகுதியில் தான் சூரியனை சுற்றி வருகிறது.
இன்னொரு குட்டிகிரகத்தை விட சிறியது
இந்த கிரகம் கடந்த 1930-ம் ஆண்டு கண்டுபிடிக்கப்பட்டது. இந்த நிலையில் தான் ஏரிஸ் என்ற குட்டி கிரகம் 2005-ம் ஆண்டு கண்டுபிடிக்கப்பட்டது. இந்த குட்டிகிரகத்தை விட சிறியதாக இருக்கிறது புளூட்டோ கிரகம் என்று விஞ்ஞானி மைக்கேல் பிரவுன் தெரிவித்துஇருக்கிறார். அவர் மேலும் கூறியதாவது:-
ஏரிஸ் கிரகத்துக்கு கிரேக்க தேவதையின் பெயரான ஏரிஸ் சூட்டப்பட்டு உள்ளது. இது புளூட்டோ கிரகத்தை விட 27 சதவீதம் பெரியது. ஏரிஸ், பூமியின் சந்திரனின் அளவில் பாதி தான் இருக்கிறது.
புளூட்டோவின் விட்டத்தை விட ஏரிசின் விட்டம் பெரியது. இது புளூட்டோவைப்போல பாறைகளாலும், பனிக்கட்டியாலும் ஆனது. இது ஒரே மாதிரி வெள்ளை நிறத்தில் பளபளக்கிறது.
560 ஆண்டுகள்
ஏரிஸ் சூரியனை சுற்றி வர 560 ஆண்டுகள் ஆகின்றன. இதன் சுற்றுப்பாதை பூமியில் இருந்து 350 கோடி மைல்கள் முதல் ஆயிரம் மைல்கள் இருக்கின்றன.
புளூட்டோ கிரகம் சூரியனை சுற்றிவர, 250 ஆண்டுகள் ஆகின்றன. அது பூமியில் இருந்து 500 கோடி மைல்கள் தொலைவில் உள்ளன. ஏரிஸ் கிரகத்துக்கு ஒரு சந்திரன் உள்ளது. அதன் விட்டம் 1500 மைல்கள் உள்ளது.
சூரிய மண்டலத்தில் 50-க்கும் மேற்பட்ட குட்டிக்கிரகங்கள் உள்ளன. அவற்றில் சில ஏரிஸ், புளூட்டோ அளவுக்கு உள்ளன. மற்றவை மிகச்சிறியவை. இவ்வாறு வானியல் அறிஞர் மைக்கேல் பிரவுன் தெரிவித்தார்.