ஆண்களுக்கும் வருது மார்பகப் புற்றுநோய்!

by **ahmad78** Sun 26 Oct 2014 - 9:26

என்னது... ஆண்களுக்கு மார்பகப் புற்றுநோயா? என்று அதிர்ச்சியாகக் கேட்டாலும் சரி... ஆர்வத்தோடு கேட்டாலும் சரி... ‘புற்றுநோய் வருமா?’ என்றால் ‘...ம்’ என்பதே மருத்துவத்தின் பதில். ஆனால், இதில் அச்சப்படாமல் ஆறுதல்பட்டுக் கொள்ள வேண்டிய விஷயம் இந்த மார்பகப் புற்றுநோய் இருநூறு பேரில் ஒருவருக்கே வரும் என்பது! அதனால் டென்ஷன் இல்லாமல் ஜஸ்ட் தெரிந்துகொள்வோம்... ஒரு சின்ன எச்சரிக்கையுடன்...

‘‘பெண்களுக்கு வரும் மார்பகப் புற்றுநோய்க்கும் ஆண்களுக்கு வரும் மார்பகப் புற்றுநோய்க்கும் அதிகம் வித்தியாசமில்லை. அதே போன்ற அறிகுறிகள், மேமோகிராம் பரிசோதனை, கதிரியக்கம், கீமோதெரபி போன்ற சிகிச்சை முறைகள், அதே மருந்துகள்... ஆனால், ஒரு சின்ன வித்தியாசம்... பொதுவாகப் பெண்களுக்கு 45 வயதுக்கு மேல் மார்பகப் புற்றுநோய் வரும்; ஆண்களுக்கு 55 வயதுக்கு மேல் வரும்’’ என்கிறார் புற்றுநோய் மருத்துவர் ராமநாதன்.

யாருக்கெல்லாம் இந்தப் புற்றுநோய் வரும் வாய்ப்பு அதிகம்? கவனிக்க வேண்டியதன் அவசியம், வராமல் தடுக்கும் வழிகள் என எல்லாவற்றையும் பற்றிப் பேசுகிறார் டாக்டர். ‘‘ஒரு குடும்பத்தில் இரண்டு பெண்களுக்கு மேல் மார்பகப் புற்றுநோய் இருந்தால், அந்தக் குடும்பத்தில் ஓர் ஆணுக்கு மரபியல் காரணங்களால் வரும். உடல் பருமன் உள்ள ஆண்களுக்கும் மார்பகப் புற்றுநோய் வரும் வாய்ப்பு உண்டு. இன்று ஸ்டீராய்டு ஊசிகள், மாத்திரைகள் என்று தவறான வழிகளில் உடல் கட்டமைப்பைப் பெற இளைஞர்கள் முயற்சிக்கிறார்கள். இதனால், ஈஸ்ட்ரோஜன் என்ற பெண் ஹார்மோன் சுரப்பு அதிகமாகி இவர்களுக்கு புற்றுநோய் வரும் அபாயம் அதிகரிக்கும். தவிர, கதிரியக்க சிகிச்சைகள், பிறவியிலேயே ஏற்பட்டிருக்கும் கோளாறுகளாலும் வரலாம்.

மார்பகப் புற்றுநோய் என்பது பெண்களுக்குத்தான் வரும் என்றே பலரும் நினைக்கிறோம். அதனால், ஆண்கள் இதை பெரிதாக எடுத்துக் கொள்வது இல்லை. மார்பில் கட்டியே இருந்தாலும் அதை அலட்சியப் படுத்தி விடுவார்கள். அலட்சியத்தின் விளைவாக மார்பகப் புற்றுநோய் இறுதிக்கட்டத்துக்கு வந்த பிறகே பல ஆண்கள் சிகிச்சைக்கு வருகிறார்கள். கட்டி இருந்தாலும் வெளியே சொல்வதற்கு சங்கடப்பட்டு சொல்லாமல் இருப்பவர்களும் உண்டு. ஆனால், புற்றுநோயை எவ்வளவு விரைவில் கண்டு பிடிக்கிறோமோ அந்த அளவுக்கு நல்லது. ஏனெனில், பெண்களின் மார்பகப் புற்றுநோயை விட வேகமாக உடலின் மற்ற பகுதிகளுக்குப் பரவக் கூடியது ஆண்களின் மார்பகப் புற்றுநோய்.

அதனால், மார்பில் கட்டி தென்பட்டாலோ, வலி இருந்தாலோ, சிவந்து காணப்பட்டாலோ அலட்சியப்படுத்தாமல் உடனடியாக கவனிக்க வேண்டும். மருத்துவரிடம் ஆலோசனை பெற வேண்டும். கண்டு பிடித்த பிறகு, சிகிச்சை எடுத்துக் கொள்வதில் பெண்கள் காட்டுகிற அக்கறை, ஆண்களிடம் இல்லை என்பதும் வருத்தப்பட வேண்டிய விஷயம்.மற்ற நாடுகளோடு ஒப்பிடும்போது இந்தியாவில் மார்பகப் புற்றுநோய் குறைவுதான். ஆனால், இப்போது நம் நாட்டிலும் பெண்களுக்கான மார்பகப் புற்றுநோய் அதிகரித்து வருவதுபோல், ஆண்கள் மார்பகப் புற்றுநோயும் அதிகரித்து வருகிறது.

குறிப்பாக, வட இந்தியாவில் ஆண் மார்பகப் புற்று நோயாளிகளின் எண்ணிக்கை அதிகம். உடற்பயிற்சிகள் செய்வது, உடல் எடையை சரியாகப் பராமரிப்பது, தேவையற்ற ஹார்மோன் ஊசிகள், புரோட்டீன் பவுடர்கள் பயன்படுத்தாமல் இருப்பது போன்றவற்றின் மூலம் இந்த அபாயம் நம்மை அண்டாமல் பார்த்துக் கொள்ள முடியும்!’’ - எச்சரிக்கிறார்.

டாக்டர் ராமநாதன்.

http://www.dinakaran.com/Medical_Detail.asp?cat=500&Nid=2973

by **சுறா** Sun 26 Oct 2014 - 19:38

ஏம்பா இது ரொம்ப அநியாயம். எங்களுக்கு என்ன இருக்குன்னு புத்துநோய் வருது. இதெல்லாம் ரொம்ப மோசம். )*

சில ஸ்பெசலிஸ்டு டாக்டர்கள் இதுபோன்ற கட்டுரை எழுதி அவங்க பெரிய ஆஸ்பித்திரிக்கு வரவச்சி எல்லாசெக்கப்பும் எடுக்க வச்சிருவாங்க. கடைசியில உங்க ஜோக்குல சொன்ன மாதிரி பல்வலி சரியாயிடுச்சின்னு சொன்னாகூட ரிப்போர்ட்டை பார்த்துட்டு தான் பதில் சொல்வாங்க. கடைசியில நீங்க நார்மல்ன்னு ஹிஹி

தகவல் தந்து உஷார் படுத்தியமைக்கு நன்றி

by **பானுஷபானா** Mon 27 Oct 2014 - 13:11

நல்ல்ல தகவல் நன்றி

by **ahmad78** Mon 27 Oct 2014 - 13:58

பானுஷபானா wrote:நல்ல்ல தகவல் நன்றி

எங்களுக்கு நோய் வர்றது உங்களுக்கு நல்ல தகவலா(_

by **Nisha** Mon 27 Oct 2014 - 14:01

ஹாஹா! நல்ல கேள்வி முஹைதீன்!

விழிப்பூட்டும் பகிர்வுக்கு நன்றி சார்!

by Sponsored content

ஆண்களுக்கும் வருது மார்பகப் புற்றுநோய்!

ஆண்களுக்கும் வருது மார்பகப் புற்றுநோய்!

Re: ஆண்களுக்கும் வருது மார்பகப் புற்றுநோய்!

Re: ஆண்களுக்கும் வருது மார்பகப் புற்றுநோய்!

ஆண்களுக்கும் வருது மார்பகப் புற்றுநோய்!

Re: ஆண்களுக்கும் வருது மார்பகப் புற்றுநோய்!

Re: ஆண்களுக்கும் வருது மார்பகப் புற்றுநோய்!