மார்பகப் புற்றுநோய் பெண்களைப் போலவே ஆண்களுக்கும்

by *சம்ஸ் Tue 29 Mar 2011 - 14:23

பெண்களுக்கு வருவது போலவே ஆண்களுக்கும் மார்பகப் புற்றுநோய் வரும் அபாயம் அதிகரித்துள்ளதாக இலங்கை தேசிய புற்றுநோய்த் தடுப்புத் திட்டப் பணிபாளர் டாக்டர் திருமதி நீலாமணி பரணகம தெரிவித்துள்ளார். உலகளவில் மார்பகப் புற்றுநோயின் தாக்கம் அதிகரித்து வருவதாகவும் அவர் குறிப்பிட்டுள்ளார். 2005 ஆம் ஆண்டில் உலகளவில் 5 இலட்சம் பேருக்கு மார்பகப் புற்றுநோய் வந்தது. இதில் ஒரு இலட்சம் பேர் இந்நோய் காரணமாக இறந்தனர். அதே ஆண்டு இலங்கையில் 1890 பேருக்கு இந்நோய் ஏற்பட்டிருந்தது.

1985 ஆம் ஆண்டுடன் ஒப்பிடும்போது இந்நோயின் தாக்கம் மிகவும் அதிகரித்துள்ளது. 2001 முதலே இலங்கையில் மார்பகப் புற்றுநோயின் தாக்கம் அதிகரித்து வருகின்றது.

50 வயதுக்கு மேற்பட்ட பெண்களிலேயே பெருமளவில் இந்நோயின் தாக்கம் காணப்படுவதாகக் கூறிய டாக்டர் நீலாமணி, 40 வயதுக்கு மேற்பட்ட பெண்கள் இந்நோய்க்கான மருத்துவ பரிசோதனைகளைச் செய்வது அவசியம் என்றும் வலியுறுத்தியுள்ளார். மேலும் அதிகளவு மரக்கறிகள் மற்றும் பழவகைகளை உணவில் சேர்ப்பதுடன் கொழுப்பு அதிகமுள்ள உணவுகளைத் தவிர்ப்பதும் அவசியம் என்றார்.