அ.தி.மு.க.வின் விரோதப்போக்கினை கண்டித்து ஆர்ப்பாட்டம்

அ.தி.மு.க.வின் விரோதப்போக்கினை கண்டித்து ஆர்ப்பாட்டம்

அ.தி.மு.க. அரசின் மக்கள் விரோதப்போக்கினை கண்டித்து கலைஞர் மு.கருணாநிதி ஆர்ப்பாட்டம் நட்த்தப் போவதாக அறிவித்துள்ளார்.


இது தொடர்பாக திமுக தலைவர் கலைஞர் நேற்று வெளியிட்டுள்ள அறிக்கையில் மேலும் தெரிவித்துள்ள தாவது:
தமிழகத்தை ஆளும் அ.தி.மு.க. அரசு ஏழை எளிய நடுத்தர குடும்பங்களின் வயிற்றில் அடிக்கும் வகையில் வரலாறு காணாத விதமாக பால் விலையை லீட்டருக்குப் பத்து ரூபாய் உயர்த்தியுள்ளது.
அத்துடன் மின்வெட்டு குறித்து மூன்று மாதங்களுக்கு ஒரு முறை அறிக்கை விடும் அரசு தற்போது மின் கட்டணத்தை உயர்த்த முடிவெடுத்து மக்கள் கருத்துக் கேட்கும் முயற்சியிலே ஈடுபட்டுள்ளது.
கடந்த பல நாட்களாகப் பெய்து வரும் பெரு மழையில் விவசாய நிலங்களில் பயிர்கள் மூழ்கி கடும் பாதிப்பை ஏற்படுத்திய நிலையிலும் அரசின் சார்பில் எவ்வித நிவாரணங்களும் இதுவரை அறிவிக்கப்படவில்லை.
தமிழக அ.தி.மு.க. அரசின் தொடர்ந்த மக்கள் விரோதப்போக்கினை கண்டிக்கும் வகையிலும் பால் விற்பனை விலை உயர்வு, மின் கட்டண உயர்வு ஆகியவற்றை திரும்பப் பெறுவதோடு விவசாயிகளுக்கு உடனடியாக போதிய நிவாரண உதவித் தொகையினை வழங்கிட வேண்டுமென்று வலியுறுத்தியும் திராவிட முன்னேற்றக் கழகத்தின் சார்பில் அனைத்து மாவட்டத் தலை நகரங்களிலும் எதிர் வரும் 3 ஆம் திகதி காலை 10 மணியளவில் "ஆர்ப்பாட்டப் போர்ப்பாட்டு" நடத்துவ தென்று முடிவு செய்யப்பட்டுள்ளது.
மாவட்டக் கழகச் செயலாளர்கள் தலைமையில் நடைபெறும் இந்த ஆர்ப்பாட்டப் போர்ப்பாட்டில் கழகத் தோழர்கள் அனைவரும் பெருந்திரளாகப் பங்கேற்க வேண்டுமென்று கேட்டுக் கொள்கிறேன். இவ்வாறு கலைஞர் கூறியுள்ளார்.


தினகரன்

தகவல் பகிர்வுக்கு நன்றி!

ஏழைகளில் வயிற்றில் அடிப்பதாய் அழுவதும்  ஆர்ப்பாட்டம் செய்வதும்  அறிக்கை விடுவதும் எதிர்கட்சியில் இருக்கும் போது மட்டும் தானே! ஆளும் காலத்தில் இந்த  புரிதல் எங்கே போகுமாம்?