அகில இலங்கை ஜம்இய்யதுல் உலமா சபை வேண்டுகோள்

அ. இ. ஜம்இய்யதுல் உலமா சபை வேண்டுகோள்
தேர்தல் காலங்களில் எந்தவொரு முஸ்லிம் கட்சிகளும் அல்லது எம்.பிக்களும் தங்கள் பெயரைப் பயன்படுத்த வேண்டாமெனக் கேட்டுள்ள அகில இலங்கை ஜம்இய்யதுல் உலமா சபை சமூகத்தின் நன்மை கருதி அனைத்து முஸ்லிம் கட்சிகளும் ஒன்றிணைந்து செயற்பட வேண்டுமெனவும் ஆலோசனை வழங்கியுள்ளது. நடைபெறவுள்ள ஜனாதிபதி தேர்தல் தொடர்பாக அறிக்கை வெளியிட்டுள்ள அகில இலங்கை ஜம்இயதுல் உலமா மேலும் தெரிவித்துள்ளதாவது, அகில இலங்கை ஜம்இய்யத்துல் உலமா வந்துள்ள போதும் எந்தவொரு அரசியல் சாயத்தையும் பூசிக்கொள்ளாத நிறுவனம் எனவே எந்தவொரு கட்சிக்கும் ஆதரவாகவோ அல்ல எதிராகவோ செயல்பட மாட்டாது.

எனவே எவரும் ஜம்இய்யாவின் பெயரைப் பயன்படுத்தி பிரசாரங்கள் செய்ய வேண்டாம் காலத்தின் தேவையை கருத்திற்கொண்டும் முஸ்லிம்களின் உரிமைகள் நலன்களை பெற்றுக்கொள்ள ஆட்சியிலுள்ள ஆட்சியில் இருந்த அரசாங்கங்கள் மற்றும் முஸ்லிம் அரசியல்வாதிகள் என்று பல தரப்பினர் களையும் அகில இலங்கை ஜம்இய்யத்துல் உலமா சந்தித்துள்ளது.

சிறுபான்மையினராக முஸ்லிம்கள் வாழும் இந்நாட்டில் முஸ்லிம்களது உரிமைகளையும் நலன்களையும் பாதுகாக்க முஸ்லிம் அரசியல்வாதிகள் ஒற்றுமை யுடனும் புத்திசாலித்தனமாகவும் நடந்துகொள்ள வேண்டும். முஸ்லிம் சமூகத்தை அரசியல் ரீதியாக பிரதிநிதித்துவப் படுத்துவோர் தக்வா, அமானிதம் பேணுதல் மற்றும் தூரநோக்கு போன்ற உயர்ந்த பண்பாடுகளைக் கொண்ட முன்மாதிரியானவர்களாக தங்களை மாற்றிக் கொள்ளல் அவசியம்.

முஸ்லிம்களுக்கு எதிராக பல தீய சக்திகள் செயற்பட்டுக் கொண்டிருக்கும் இந்நிலையில் சுயலாபங்களை மறந்து, தமக்குள் திட்டிக் கொள்வதை நிறுத்தி கட்சி பேதங்களை ஓரங்கட்டி, பொது இலக்குகளை நோக்கியும் பொது பிரச்சினைகளுக்கு தீர்வுகாணும் வகையிலும் முஸ்லிம் அரசியல்வாதிகள் செயற்பட வேண்டும். தேர்தல் காலங்களில் பிரச்சி னைகள், அசம்பாவிதங்கள் நடைபெறாத வண்ணம் ஒழுக்க விழுமியங்களைப் பேணி நடந்துகொள்ளுமாறு அரசியல் வாதிகள் உட்பட அனைத்து தரப்பினர் களையும் அகில இலங்கை ஜம்இய்யத்துல் உலமா வினயமாக வேண்டிக் கொள்கின்றது.

தினகரன்