மகிந்தவையோ மைத்திரியையோ பொதுபலசேனா ஆதரிக்கமாட்டாது

பிக்குகள் அரசியல் செயற்பாடுகளில் ஈடுபடக்கூடாது என்ற நிலைப்பாட்டிலேயே தாம் இருப்பதாகவும் இதனால் ஜனாதிபதித் தேர்தலில் எந்தவொரு வேட்பாளருக்கும் ஆதரவு வழங்கப்போவதில்லையெனவும் ஆனால் விடுதலைப்புலிகளை பலம்பெறச் செய்யும் வகையிலான தேசத்துரோக செயற்பாடுகள் தொடர்பாக மக்களைத் தெளிவுபடுத்தும் வேலைகளில் ஈடுபடுவோம் எனவும் பொதுபலசேனா அமைப்பு தெரிவித்துள்ளது.
கொழும்பு ஹைட் பார்க் மைதானத்தில் நேற்று  வெள்ளிக்கிழமை நடைபெற்ற அந்த அமைப்பின் மாநாடொன்றில் உரையாற்றிய அதன் தேசிய அமைப்பாளர் வித்தாரந்தெனிய தேரரே மேற்கண்டவாறு தெரிவித்துள்ளார்.

அவர் அங்கு உரையாற்றுகையில் மேலும் தெரிவித்ததாவது;
பிக்குகள் அரசியலில் ஈடுபடக்கூடாது என்ற தீர்மானத்தை மேற்கொண்டதினால் நாம் ஏற்கனவே கூறியிருந்ததைப் போன்று வேட்பாளரை நிறுத்தும் திட்டத்தையும் நீக்கிக்கொண்டோம். நாம் கட்டியெழுப்பிய அமைப்புக்கு பாதிப்பு ஏற்படாத வகையிலான தீர்மானத்தை மேற்கொள்ளவே சிந்தித்து செயற்பட்டோம்.

இதன்படி இந்த அரசாங்கத்துக்கு நேரடியாக ஆதரவு வழங்குவதற்கு  நாம் தீர்மானிக்கவில்லை. அரசியல் ரீதியில் யாரேனும் ஒருவருக்கு ஆதரவு தெரிவித்தால் நாமும் அரசியல் செய்வதாகிவிடும். இதேவேளை பொது வேட்பாளருக்கு நாம் எவ்வித ஆதரவையும் தெரிவிக்கப்போவதில்லை.

இந்த நிலையில் ஊடகங்களினூடாக நாம் அரசாங்கத்திற்காக செயற்படுவதாக கூறப்பட்டது. நாம் எவருக்காகவும் கடைக்குச் செல்லத் தயாரில்லை. கௌத்தம புத்தரைத் தவிர வேறு எவருக்காகவும் நாம் செயற்படப்போவதில்லை.
இதேவேளை, நாட்டில் யுத்தத்தை ஒழித்தபோதும் அரசியல் மற்றும் சர்வதேச ரீதியில் விடுதலைப்புலிகள் பலமடைந்தே வருகின்றனர். இதனால் அவை நாட்டை மீண்டும் பிரச்சினைகளுக்குக் கொண்டு செல்லும். இதனால் தேசத்துரோக சக்திகள் தொடர்பாக மக்களைத் தெளிவுபடுத்த வேண்டியுள்ளது என்றார்.

தினக்குரல்

கண் கெட்ட பின் சூர்ய நமஸ்காரம் வேண்டாம் பலசேனா..

பொதுபலசேனா யாரு அவர்களால் மக்களுக்கு என்ன பயன் யார் உங்களை உருவாக்கினார்கள் என்பது அனைத்தும் மக்களுக்கு இப்போது நன்றாகவே தெரியும் போதும் உங்கள் நாடகம் முடிந்தது உங்கள் ஆட்டம்
my3 good luck