திருப்பதி செல்கிறார் மகிந்த ராஜபக்ஷ போராட தயாராகிறார் வைகோ

by **நண்பன்** Sun 7 Dec 2014 - 8:31

தேர்தல் நியமனப்பத்திரம் தாக்கல் செய்யப்பட்ட பின்னர் இந்தியாவிலுள்ள திருப்பதிக்குச் சென்று வெங்கடாசலபதியை தரிசிக்க முடிவெடுத்துள்ள ஜனாதிபதி மகிந்த ராஜபக்ஷவின் வருகைக்கு வைகோ கண்டனம் தெரிவித்துள்ளார். நாளை மறுதினம் ஒன்பதாம் திகதி செவ்வாய்க்கிழமை ஜனாதிபதி மகிந்த ராஜபக்ஷ திருப்பதிக்கு வரவுள்ளதாகவும் 10 ஆம் திகதி வெங்கடாசலபதியை தரிசிக்கவுள்ளதாகவும் மகிந்தவின் இத்திருப்பதி விஜயத்திற்கு எதிராக கறுப்புக்கொடி ஆர்ப்பாட்டம் செய்யவுள்ளதாகவும் ம.தி.மு.க. பொதுச்செயலாளர் வைகோ தனது கண்டன அறிக்கையில் தெரிவித்துள்ளார். ஜனாதிபதியின் திருப்பதி விஜயம் தொடர்பில் ஜனாதிபதியின் ஊடகப்பிரிவிடம் கேட்டபோது, ஜனாதிபதி தேர்தலுக்கான வேட்பு மனுத்தாக்கல் நாளை திங்கட்கிழமை செய்தபின் இந்தியாவின் திருப்பதிக்கு செல்லவுள்ளார். ஆனால் திகதி உறுதிசெய்யப்படவில்லை எனத் தெரிவிக்கப்படுகின்றது. கடந்த வருடம் திருப்பதி கோயிலுக்கு சென்ற ஜனாதிபதிக்கு கறுப்புக் கொடிகள் காட்டப்பட்டதோடு டில்லிப் பயணமும் தடைசெய்யப்பட்டது குறிப்பிடத்தக்கது.

தினக்குரல்