ந.க. துறைவன் ஹைபுன் கவிதைகள்.

by **ந.க.துறைவன்** Tue 27 Jan 2015 - 14:02

அனுசரிப்பு….!!.
*
திருமணமானப் பெண்கள், கணவனுடன் எப்பொழுதேனும் சந்தோஷமாக மனம் விட்டுப் பேசும்போது, அடிக்கடி அம்மா வீட்டின் வசதி வாய்ப்புகள், அங்கு எப்படியெல்லாம் நடப்பார்கள். பேசிப் பழகுவார்கள் என்று பெருமையோடுப் பேசித் தீர்ப்பாள். அவ்வாறு பேசுவதை எல்லா கணவன்மார்களும் கேட்டுக் கொள்வார்கள் என்று சொல்வதற்கில்லை. சில பேருக்குப் பிடிக்கும். சில பேருக்குப் பிடிக்காது. சில பேர்களிடையே சண்டைச் சச்சரவும் ஏற்பட்டு விடுவதுண்டு. இத் தற்பெருமையினால் விவாகரத்துமானதுண்டு. தற்கொலை வரைப் போய் வாழ்வே
முடித்துக் கொண்டப் பெண்களும் உண்டு.
அனுசரிப்பில்லாத இருமனங்கள்
சட்டெனப் பற்றி விடுகிறது
வார்த்தை நெருப்புப் பொறி.
*

by **சே.குமார்** Tue 27 Jan 2015 - 17:27

உண்மைதான் ஐயா....
இருமனங்களுக்கு இடையே பற்றிக் கொள்ளும் வார்த்தை நெருப்புப் பொறி வாழ்க்கையை எரித்து விடுகிறதே....

by **Nisha** Tue 27 Jan 2015 - 17:57

நிஜம் தான்!

இந்த விடயத்தில் பெண்கள் அம்மா வீட்டை விட்டு கொடுப்பதே இல்லை. புரிதலில்லாமல் பேசும் போது அது பெரிய பிரச்சனையாகி பிரிதலில் விடுவதும் நிஜமே!

நன்று ஐயா!

by **ந.க.துறைவன்** Wed 28 Jan 2015 - 13:51

பாராட்டுக்கு நன்றி சே.குமார்....

by **ந.க.துறைவன்** Wed 28 Jan 2015 - 13:53

பாராட்டுக்கு மிக்க நன்றி நிசா....

by **ந.க.துறைவன்** Fri 6 Feb 2015 - 9:35

மனஅலைகள்…!!
*
N.G. THURAIVAN’S HAIBUN / ஹைபுன்.
*
அந்த மனிதனின் வாழ்வின் எந்தவொரு கூறுகளையும், நடைமுறைகளையும், அணுமுறைகளையும், அடையாளங்களையும், அறநெறிகளையும் அனுபவப் பூர்வமாகப் பழகிக் பார்க்காதவன், கேள்விப்படாதவன், வேறு எவரோ சொல்கின்ற வெற்று வார்த்தைகளின் பொய்மைகளைக் கேட்டு, அந்த மனிதனின் குணாதியங்களைப் பற்றி தவறாக பேசுவதும், அணுகுவதும், அவமானப்படுத்துவதும் எத்தனை அசிங்கமான மனஉணர்வின் வெளிப்பாடு.
குளத்தில் கல் எரிந்தான்
அலைகள் விரிந்து அலைந்தது
நிமிர்ந்து நின்றன தாமரைப் பூக்கள்.

*

by **ந.க.துறைவன்** Fri 13 Feb 2015 - 6:55

புரிதல்….!!
*
இடுப்பில் இருக்கும் குழந்தை, அம்மாவின் மாராப்புத் துணியை இழுத்து இழுத்து எதையோ சொல்ல விரும்புகிறது. அதைக் கவனிக்காமல், அப்படியென்ன தான் அடுத்த வீட்டம்மாளிடம் அவசரமானப் பேச்சோ? தெரியவில்லை. குழந்தையின் நச்சரிப்புத் தாங்காமல் “ என்னடா, சொல்லித் தொலையேன்? என்றாள் தாய். குழந்தைக் சுட்டிக் காட்டியப் பக்கம் பார்த்தாள்.
வீட்டுவாசற்படியில் எலியைப் பிடித்துக் குதறிக் கொண்டிருந்ததுப் பூனை. பதட்டமாய் பதறினாள் தாய்.
புரிய வைத்தது குழந்தை
பக்கத்து வீட்டார் உறவு
எலியும் பூனையும் சண்டை.
*

by Sponsored content

ந.க. துறைவன் ஹைபுன் கவிதைகள்.

ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.

Re: ந.க. துறைவன் ஹைபுன் கவிதைகள்.