நியுஸிலாந்தில் பெரும் பூகம்பம்; 65 பேர் பலி, கட்டடங்கள் சேதம்

நியுஸிலாந்தில் பெரும் பூகம்பம்; 65 பேர் பலி, கட்டடங்கள் சேதம்
இருநூறு பேர் இடிபாடுகளுக்குள் சிக்கித்தவிப்பு

நியுஸிலாந்தில் திங்கட்கிழமை பாரிய பூகம்பம் ஏற்பட்டது. இதன் அளவு 6.3 ரிச்டர் எனப் பதிவாகியுள்ளது. இப் பூகம்பத்தில் சிக்கி 65 பேர் பலியாகினர். மேலும் பலர் காயமடைந்தும் காணாமலும் போயுமுள்ளனர். சுமார் 15 நிமிடம் வரை இப்பூகம்பம் உணரப்பட்டது.

இதையடுத்து வைத்தியசாலைகள் அனைத்தும் தயார் நிலையில் வைக்கப்பட்டதுடன் காயமடைந்தோரைக் கொண்டுவர அம்பியுலன்ஸ் வண்டிகளும் சேவையிலீடுபடுத்தப்பட்டன. பாடசாலைகள், அரச அலுவலகங்கள், போக்குவரத்துக்கள் என்பன இயங்கவில்லை. மக்கள் பாதுகாப்பான இடங்களை நோக்கிப் புறப்பட்டனர்.

விமான சேவைகள் நிறுத்தப்பட்டு விமான நிலையங்களும் மூடப்பட்டன. தொலைபேசி வயர்கள் துண்டிக்கப்பட்டதால் தொடர்பாடல் வசதிகள் யாவும் செயலிழந்து காணப்பட்டன. நியுஸிலாந்தின் கிரிஸ்சேர்ச் என்ற பகுதியிலே இப்பாரிய பூகம்பம் ஏற்பட்டது.

இதேபோன்றதொரு பாரிய பூகம்பம் சென்ற ஆண்டு செப்டம்பரில் நிகழ்ந்த வேளை ஏராளமான மக்கள் கட்டட இடிபாடு களுக்குள் மாட்டிக்கொண்டனர். 1931ஆம் ஆண்டுக்கும் பின்னர் ஏற்பட்ட பாரிய அதிர்வை இப்பூகம்பத்தில் மக்கள் உணர்ந்ததாக புவியியல் ஆய்வாளர்கள் தெரிவித்தனர். கிரஸ்சேர்து மேயர் இது தொடர்பான சேதவிபரங்களை நியுஸிலாந்து அரசாங்கத்திடம் கையளிக்கவுள்ளதாக அறிவிக்கப்பட்டுள்ளது

{)) {))