இன்று படித்ததில் பிடித்தது அனுபவம் அறிவூட்டும்

by **நண்பன்** Sat 2 Jan 2016 - 16:55

கப்பல் ஒன்றின் இஞ்ஞின் பழுதாகியது.பெரும் பெரும் பொறியியலாளர்களின் உதவிகளை கப்பல் உரிமையாளர்கள் நாடியும் அவர்களால் பழுது என்ன என்பதை கண்டுபிடிக்க முடியவில்லை.
பின்பு ஒரு வயதான மனிதரை கூட்டிக்கொண்டு வந்தனர்.அவர் கப்பல்கள் பழுதுபார்க்கும் தொழில் செய்பவர்.இளமை பருவம் முதல் பழுதுபார்க்கும் ஆயுதங்களை சுமந்தே வருபவர்.
கப்பல் இஞ்ஞினை சரி செய்யும் வேளையில் இறங்கினார்.அவர் என்ன செய்கிறார் என்பதை கவனிக்க அவரோடு இருவர் நின்றனர்.இஞ்ஞினை உச்சிமுதல் அடிப்பாகம்வரை அவதானித்துவிட்டு தனது ஆயுத பையில் இருந்து சிறியதொரு சுத்தியை எடுத்து வந்தார்.மெதுவாக இஞ்ஞினின் ஒரு இடத்தில் தட்டியதும் இஞ்ஞின் வேலை செய்ய ஆரம்பித்தது.
ஒருவாரத்தின் பின் இந்த வயதானவரிடம் இருந்து பழுதுபார்தமைக்கான கூலி 10 ஆயிரம் அமெரிக்க டொலர்கள் என கப்பல் உரிமையாளர்களுக்கு தகவல் வந்தது.உடனே கப்பல் உரிமையாளர்கள் இவர் அப்படி என்னதான் செய்தார் இவ்வளவு பணம் கேட்க என்று கூறினர்.உடனே அவருக்கு இதுபற்றிய விளக்கம் கேட்டு இந்த தொகை எதற்காக என்பது பற்றிய விபரம் அடங்கிய பற்றுசீட்டை அனுப்புமாறு வேண்டினர்.
அந்த வயதானவர் கீழ்கண்டவாறு விபரம் அனுப்பினார்.
சுத்தியால் அடித்ததற்கு = 1.00$ கூலி
எங்கே அடிக்கவேண்டும் என்பதை அறிந்தமைக்கு = 9999.00$ கூலி
smile emoticon
வெறும் முயற்சி மட்டும் தீர்வை தராது.முயற்சி என்பது அவசியம் ஆனால் முயற்சியை எங்கே பிரயோகிக்க வேண்டும் என்பது அதைவிட அவசியம்.
அரபியில் இருந்து :அஹ்மத் ஜம்ஷாத்
உங்களுக்காக நண்பன்