உள்ளூர் விவசாயிகளை கணக்கில் எடுக்காத கடந்த அரசின் செயல்

by **நண்பன்** Wed 13 Jan 2016 - 10:27

விவசாயிகளை கணக்கில் எடுக்காத கடந்த அரசின் செயல்
ஜனாதிபதித் தேர்தலுக்கு முன்பு கடந்த அரசாங்கத்தினால் இறக்குமதி செய்யப்பட்ட இலட்சக் கணக்கான மெற்றிக்தொன் அரிசி காலாவதியாகி பாவனைக்குதவாமல் உள்ளதாகவும் அது தொடர்பில் விசாரணை மேற்கொள்ளுமாறு அதிகாரிகளுக்குப் பணித்துள்ளதாகவும் ஜனாதிபதி மைத்திரிபால சிறிசேன தெரிவித்தார்.
உள்ளூர் விவசாயிகளைக் கணக்கிலெடுக்காது கடந்த அரசாங்கம் இறக்குமதி செய்துள்ள மேற்படி இலட்சக்கணக்கான மெற்றிக்தொன் அரசியை உலக உணவு நிறுவனத்துக்கு வழங்குவது தொடர்பாக அமைச்சரவைப் பத்திரம் சமர்ப்பிக்கப்பட்டிருந்தது.
பாவனைக்குதவாத அரசியை உலக உணவு நிறுவனத்துக்கு வழங்குவது முறையற்றது எனக்கூறி அவற்றை விலங்குத் தீனுக்காக பயன்படுத்த நடவடிக்கை எடுக்குமாறு தாம் அமைச்சரவைக்குப் பணிப்புரை விடுத்ததாகவும் ஜனாதிபதி தெரிவித்தார்.
அரசாங்கம் அபிவிருத்தி எதுவும் செய்யவில்லை என விமர்சிப்பவர்களுக்குப் பதிலளிக்கும் வகையில் கருத்துத் தெரிவித்த ஜனாதிபதி, முதல் வருடத்தில் உலக நாடுகளின் அங்கீகாரத்தைப் பெற்றுக் கொள்ளும் வகையில் நாட்டில் சட்ட ரீதியான மற்றும் முக்கிய செயற்பாடுகளை மேற்கொண்டதாகவும் புதிய வருடத்தில் நாட்டில் வறுமையை ஒழித்து பொருளாதாரத்தில் நாட்டையும் மக்களையும் கட்டியெழுப்பும் செயற்பாடுகள் முன்னெடுக்கப்படும் என்றும் ஜனாதிபதி தெரிவித்தார்.
கடந்த அரசாங்கம் தேவையறிந்து அபிவிருத்தி செயற்பாடுகளை மேற்கொள்ளாமல் தேவையற்ற அபிவிருத்திகளை மேற்கொண்டு நிதியை விரயம் செய்துள்ளதாகக் குறிப்பிட்ட ஜனாதிபதி, தற்போதைய அரசாங்கம் மக்களினது அவசிய தேவைக்கு முக்கியத்துவமளிக்கும் என்றும் தெரிவித்தார்.
பொலன்னறுவை மாவட்டத்தின் வெலிக்கந்தை பிரதேசத்தில் புதிதாக நிர்மாணிக்கப்பட்டுள்ள இலங்கை வங்கிக் கிளையை ஜனாதிபதி மைத்திரிபால சிறிசேன நேற்றுக் காலை உத்தியோகபூர்வமாகத் திறந்து வைத்தார்.
அமைச்சர் கபீர் ஹாசிம், இராஜாங்க அமைச்சர் வசந்த சேனநாயக்க வடமத்திய மாகாண ஆளுநர், முதலமைச்சர் பேசல, இலங்கை வங்கி தலைவர் ரொனால்ட் பெரேரா உட்பட முக்கியஸ்தர்கள் பலரும் கலந்து கொண்ட இந்நிகழ்வில் தொடர்ந்தும் உரையாற்றிய ஜனாதிபதி, விவசாயிகளுக்கு உரிய காலத்தில் உரம் கிடைக்கவில்லை என முறைப்பாடுகள் கிடைத்தன.
சில பகுதிகளில் விவசாயிகள் ஆர்ப்பாட்டங்களிலும் ஈடுபட்டனர். நான் இது தொடர்பில் ஆராய்ந்து பார்த்ததில் நாட்டில் எந்த வித உரத்தட்டுப்பாடும் கிடையாது. உர களஞ்சியங்களிலும் உரத்தட்டுப்பாடு இல்லை. உர விநியோகத்தில் ஏற்பட்ட தாமதமே சில பகுதிகளில் உர தட்டுப்பாட்டுக்குக் காரணம் என்பதைக் கண்டறிய முடிந்தது.
உர விநியோகத்திலேயே குறைபாடுகள் உள்ளன. உடனடியாகவே நான் செயற்பட்டு அமைச்சுக்களின் அதிகாரிகளோடு தொடர்பு கொண்டு தேவையானளவு உரத்தை தேவைப்படும் பிரதேசங்களுக்கு அனுப்புமாறு பணித்தேன்.

தினகரன்

by **Nisha** Wed 13 Jan 2016 - 10:38

நல்ல முயற்சி!

விவசாயம் செழிக்கட்டும், தம்பி சார், நம்ம பேருல நாலு ஏக்கர் வயல் நிலம் வாங்கிப்போடுங்க.. ஊருக்கு போய் தோட்டம் செய்யலாம்.

பிரெட்டு விலை ஐந்து ரூபாய் கூடிப்ப்போனதாமே!

by **நண்பன்** Wed 13 Jan 2016 - 10:59

Nisha wrote:நல்ல முயற்சி!

விவசாயம் செழிக்கட்டும், தம்பி சார், நம்ம பேருல நாலு ஏக்கர் வயல் நிலம் வாங்கிப்போடுங்க.. ஊருக்கு போய் தோட்டம் செய்யலாம்.

பிரெட்டு விலை ஐந்து ரூபாய் கூடிப்ப்போனதாமே!

ஆமாம் கேள்விப்பட்டேன்

நான் இலங்கை அரசுக்கு கொஞ்சம் கடன் கொடுக்கலாம் அல்லது இனாமா கொடுக்கலாம் என்று எண்ணியுள்ளேன் முன்னால் திருட்டு ஜனாதிபதி நாட்டின் அழிவின் விழிம்பில் கொண்டு சென்றான் பெரிய கடன் சுமை அநியாயம்

by **Nisha** Wed 13 Jan 2016 - 11:08

அப்படியா?

by **நண்பன்** Wed 13 Jan 2016 - 11:32

பாண் ஒன்றின் விலையை ரூபா ஒன்றினால் அதிகரிப்பதாக அகில இலங்கை பேக்கரி உரிமையாளர்கள் சங்கம் அறிவித்துள்ளது.

இன்று (13) நள்ளிரவு முதல் குறித்த விலை அதிகரிப்பு அமுலுக்கு வருவதாக, அதன் தலைவர் என்.கே. ஜயவர்தன தெரிவித்தார்.

நேற்று (12) இடம்பெற்ற சங்கத்தின் கலந்துரையாடலை அடுத்தே இம்முடிவு எடுக்கப்பட்டதாக அவர் தெரிவித்தார்.

அதன்படி, ரூபா 54ஆக இருந்த 450 கிராம் பாண் ஒன்றின் விலை ரூபா 55 ஆக அதிகரித்துள்ளது.

ரூபா 5 இனால் பாண் உள்ளிட்ட பல்வேறு பேக்கரி தயாரிப்புகளின் விலை அதிகரிக்கப்படும் என அவர் ஏற்கனவே குறிப்பிட்டிருந்த நிலையிலேயே, இம்முடிவு எடுக்கப்பட்டுள்ளமை குறிப்பிடத்தக்கது.

வரவு செலவுத் திட்டத்தில், 2% ஆக இருந்த தேசத்தை கட்டியெழுப்பும் வரி 4% அதிகரிக்கப்பட்டதன் காரணமாக பேக்கரி உற்பத்திப் பொருட்களின் விலைகள் அதிகரித்தமையே இதற்குக் காரணம் என அவர் தெரிவித்திருந்தார்.

by **நண்பன்** Wed 13 Jan 2016 - 11:33

by **Nisha** Wed 13 Jan 2016 - 11:33

ஜெயில்ல தானே?

by **நண்பன்** Wed 13 Jan 2016 - 11:34

எந்தப்புற்றில் என்ன பாம்பிருக்கு என்று யாருக்கு தெரியும் ஒரே கொலை கார கும்பலாக தெரிகிறதே

ஹிருணிகா உட்பட 9 பேர் நீதிமன்றில் ஆஜர் ; டிபென்டரை விடுவிக்க நீதவான் மறுப்பு
தெமட்டகொடை பகுதியில் நபரொருவர் கடத்தப்பட்ட சம்பவம் தொடர்பில் குற்றம்சுமத்தப்பட்டுள்ள பாராளுமன்ற உறுப்பினர் ஹிருணிகா பிரேமச்சந்திர உள்ளிட்ட 9 பேர் நேற்று(12) கொழும்பு மேலதிக நீதவான் முன்னிலையில் ஆஜர்படுத்தப்பட்டனர்.

குறித்த கடத்தலுடன் தொடர்புடையதாக கூறப்படும் சிசிடிவி கமராவில் பதிவான காட்சிகளை மேலதிக விசாரணைகளுக்காக மொரட்டுவை பல்கலைக்கழகத்திற்கு அனுப்பி வைக்க உத்தரவிடப்பட்டுள்ளது.

மேலும் கடத்தல் மேற்கொள்ளப்பட்டதாக கூறப்படும் டிபென்டர் வாகனத்தை விடுவிக்க நீதவான் மறுப்பு தெரிவித்தார். அத்துடன் இந்த வழக்கை மீண்டும் எதிர்வரும் 26ம் திகதி விசாரணைக்கு எடுத்துக் கொள்ளத் தீர்மானிக்கப்பட்டுள்ளது.

by Sponsored content

உள்ளூர் விவசாயிகளை கணக்கில் எடுக்காத கடந்த அரசின் செயல்

உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்

Re: உள்ளூர் விவசாயிகளை கணக்கில் எடுக்காத கடந்த அரசின் செயல்