வந்துவிடு என்னவனே......

by **நேசமுடன் ஹாசிம்** Thu 11 Feb 2016 - 9:57

வந்துவிடு என்னவனே
வயதென்னை வதைக்கிறது
சீக்கிரம் வருவாயென்று
சென்றவழி பார்த்திருக்கிறேன்
காத்திருக்கிறேன் உனக்காகவே
நெடுங்காலமாய்க் காத்திருக்கிறேன்

கலைந்திடாத கட்டுடலை
கலைத்தென்னைக் கனியவைத்தாய்
காதல் அமுதென்று
கனிவுடனே பருகிடச்செய்தாய்
காலமுள்ளவரை தொடர்வாயென்றிருக்க
கனவுகளாக்கிச் சென்றுவிட்டாயே

தொடரும் உன் நினைவுகள்
தொடர்கிறதிங்கு நிழல்களாய்
தொல்லை தரும் உணர்வுகளும்
தொடுதலின்றித் துடிக்கிறது
துயில் கொள்ளும் தேகமிங்கு
திடுக்கிட்டு எழுகிறது

நெருடும் நினைவுகளோடு
நொடிகளிங்கு வருடங்களாகி
நித்தம் உன் வரவுக்காய்
நெஞ்சம் பதை பதைக்க
நிம்மதியின்றித் தவிக்கிறேன் - என்
நினைவுனக்கு வரவில்லையா??

குறிப்பு : படம் கண்டதால் உதித்த வரிகள் படத்தினைப் பகிர்ந்த கவிஞர் பாலமுனை பாறூக் அவர்களுக்கு நன்றிகள்

by **Nisha** Thu 11 Feb 2016 - 10:33

காதலர் தினம் வருகின்றது என காதலர்கள் எல்லாம் சிலிர்த்தெழும்புவது போல் இருக்கின்றது,

நெருடும் நினைவுகளோடு நொடிகளிங்கு வருடங்களாகி நித்தம் உன் வரவுக்காய் நெஞ்சம் பதை பதைக்க நிம்மதியின்றித் தவிக்கிறேன் - என் நினைவுனக்கு வரவில்லையா??

நினைவுக்கு வராமல் இருக்குமா? வந்து தான் இருக்கும்! ஹாஹா! ஹாசிம், அத்தனை வரிகளும் அற்புதம் தான், உணர்வைக்கலந்து ஏக்கம் தொனிக்கும் வரிகள் கேட்டு சீக்கிரம் வந்து விடுவாள் என நம்புங்கள்

by **நேசமுடன் ஹாசிம்** Thu 11 Feb 2016 - 10:52

நன்றி அக்கா இந்த படத்தினை நேற்று பர்ஹாத்தின் தந்தையான பாலமுனை பாறூக் அவர்கள் பகிர்ந்து நான்கு வரி எழுதியிருந்தார் அதனைக் கண்டு இப்படத்திற்கு கவிதை எழுத வேண்டும் என்று நினைத்திருந்தேன் அதுவே இவ்வாறு அமைந்தது கற்பனை கலந்த உண்மை

by **பானுஷபானா** Thu 11 Feb 2016 - 13:54

படத்திற்க்கேற்ற அருமை ஹாசிம்

by Sponsored content

வந்துவிடு என்னவனே......

வந்துவிடு என்னவனே......

Re: வந்துவிடு என்னவனே......

Re: வந்துவிடு என்னவனே......

Re: வந்துவிடு என்னவனே......

Re: வந்துவிடு என்னவனே......