கமல் சொன்ன வார்த்தை!

by **rammalar** Sun 20 Mar 2016 - 11:22

-

கமல் சொன்ன வார்த்தை! 07-1436259248-kamal-sridhar354-600

-
டி.வி. சீரியல் இயக்குனராக இருந்து பின்னர்
ஓவியராக மாறியவர் ஸ்ரீதர். சினிமா பிரபலங்களை
வித்தியாசமான கோணங்களில் ஓவியமாகத் தீட்டி
அவர்களை ஆச்சரியத்தில் ஆழ்த்திவிடுவார்.
அந்த அனுபவங்களை நம்முடன் பகிர்ந்து கொண்டார்…
–
டிஜிட்டல் ஓவியம் எப்போது?
–
எதையும் புதுசா செய்யணும் என்கிற ஆர்வத்தில்
2000ல் சிட்னிக்கு போய் டிஜிட்டல் ஓவியப் பயிற்சி
பெற்றேன். அதற்காக சென்னையில் ஒரு ஸ்டூடியோ
ஆரம்பித்தேன். டிஜிட்டல் ஓவியத்தின் முதல்
துவக்கமாக அது அமைந்தது.
–
தபேலா கலைஞர் ஜாகீர்ஹூசைனின் நிறைய
படஙகளை வரைந்து கொடுத்தேன். அவருடைய
கலிபோர்னியா வீட்டிலும் மும்பை வீட்டிலும் உள்ள
படங்கள் நான் பண்ணியதுதான்.
–

by **rammalar** Sun 20 Mar 2016 - 11:22

கமல் ஓவியர் ஆனது எப்படி?
–
ஓவியர் பிகாசோ இந்தியாவில் பிறந்திருந்தால்
அவர் எந்த மாதிரி படங்கள் வரைந்திருப்பார் என்கிற
கான்ஸெப்ட்ல சில ஓவியங்கள் வரைந்து கமல்
சாரிடம் காண்பித்தேன். அதை பார்த்த நொடியில் கமல்
சொன்ன வார்த்தை என்ன தெரியுமா?
–
‘பிகாசோ இந்தியாவில் பிறந்திருந்தால் ஜல்லிக்கட்டு
தானே வரைந்திருப்பார்’ என்று அவர் கேட்டதும் அசந்து
போனேன். நான் ரயில் வரைந்திருந்தேன். நாம இன்னும்
வரலாற்றை உள்வாங்கணும்னு நெனைச்சுக்கிட்டேன்.
–
கமல் நடிக்க வந்து 50 வருடங்கள் ஆனதை கொண்டாட
கமலின் 50 முக்கியமான கேரக்டர்களை குரூப்
போட்டோவாக வரைந்து பரிசளித்தேன்.அதை இன்னும்
தன் அலுவலக வரவேற்பறையில் வைத்துள்ளார்.
–
உங்கள் தூரிகையில் ஓவியமாகிய மற்ற பிரபலங்கள்?
–
சதுரகிரி மலையில் ரஜினி சார் தியானம் செய்வது
போலவும் பாபாஜி அவரை வாழ்த்துவது போலவும்
வரைந்த படத்தை ரஜினிசாரிடம் கொடுத்தேன். ரொம்ப
சந்தோஷப்பட்டார்.
–
இசைப்புயல் ஏ.ஆர். ரஹ்மானின் சின்ன வயது முதல்
ஆஸ்கார்வரை அவரது படஙகளை வரைந்தளித்தேன்.
அவருக்கு பெயர் வைத்த பாபா படம் வரைந்து
கொடுத்தபோது ரொம்ப சந்தோஷப்பட்டார்.
–
நடிகர் விஜய் மனைவி சங்கீதா, விஜய்க்கு தெரியாமல்
அவரை ஒரு படம் வரைந்து கொடுக்கச் சொன்னார்.
அதை கணவரின் பிறந்த நாள் பரிசாகக் கொடுத்தார்.
–
இன்னும் இளையராஜா, லட்சுமிமேனன், என்று அவர்
வரைந்தவர்கள் பட்டியல் நீளம்.
–
—————————-
– சபீதா ஜோசப்
குமுதம்

கமல் சொன்ன வார்த்தை!

கமல் சொன்ன வார்த்தை!

Re: கமல் சொன்ன வார்த்தை!