ரூ.1‌ கோடி ஹெராயின் பறிமுதல்: மாணவர்கள் உள்பட 6 பேர் கைது

by *சம்ஸ் Tue 1 Mar 2011 - 6:12

மீரட்:உத்தரபிரதேசத்தில் ரூ.1கோடி மதிப்பிலான ‌ஹெராயின் போதைப்பொருளை விற்பனை செய்ய முயன்றதாக கல்லூரி மாணவர்கள் உள்பட 6 பேர் கைது செய்யப்பட்டுள்ளனர். உத்தரபிரதேச மாநிலம் காஸியாபாத், நொய்டா, பிரதாப்பூர் ஆகிய பகுதிகளில் ஏராளளமான கல்லூரி மற்றும் கல்வி நிறுவவனங்கள் உள்ளன.இப்பகுதிகளில் மாணவர்களுக்கு போதை பொருள் விற்பனை நடப்பதாக போலீசாருக்கு ரகசிய தகவல் கிடைத்தது. இதைத்தொடர்ந்து சிறப்பு அதிரடிப்படை போலீசார் சம்பவ இடத்திற்கு மாறுவேடத்தில் சென்று கண்காணித்தனர். அப்போது சுமார் 22 வயது முதல் 24 வயது வரையிலான 6 வாலிபர்கள் போதை மருந்து விற்ப‌னை செய்து கொண்டிருந்தனர். உடனே அவர்களை சுற்றி வளைத்து கைது செய்தனர். அவர்களிடமிருந்து ஹெராயின் எனும் போதை மருந்தினை பறிமுதல் செய்தனர். இதில் 3 பேர் கல்லூரி மாணவர்கள் என தெரியவந்தது. இது குறித்து நொய்டா போலீஸ் இன்ஸ்பெக்டர் பி.பி. புஷ்கர் கூறுகையில், இப்பகுதியில் கல்லூரிகளும், கல்வி நிறுவனங்களும் அதிகம் உள்ளன. ஆகையால் போதை மருந்து விற்பனை கும்பல் மாணவர்களையும் விற்பனையில் ஈடுபடுத்திவந்துள்ளது முதல்கட்ட விசாரணையில் தெரியவந்துள்ளது. எனினும் ஹெராயினை சப்ளை செய்தவன் தப்பியோடிவிட்டான். அவனை ‌தேடிவருவதாக கூறினார். கைப்பற்றப்பட்ட ஹெராயின் மதிப்பு சர்வதேச சந்தையில் ரூ. 1 கோடி என தெரிவித்தார்.