மதுரையில் ரூ.40 லட்சம் நிலம் அபகரிப்பு: தி.மு.க. பிரமுகர் மின்னல்கொடி உள்பட 3 பேர் கைது

மதுரை, ஆக.21-

மதுரை மாவட்டம் உசிலம்பட்டி அருகேயுள்ள உச்சம்பட்டியை சேர்ந்தவர் முருகன்(வயது 40). இவருக்கு ஒத்தக்கடை பக்கமுள்ள புதுத்தாமரை பட்டியில் 1 ஏக்கர்நிலம் உள்ளது.

இந்நிலத்தை தனக்கு முருகன் எழுதிதந்ததாக போலி பத்திரம் தயாரித்ததாக செல்லூர் பகுதியைச் சேர்ந்த தி.மு.க. பொதுக்குழு உறுப்பினரும், பிற்பட்டோர் நலவாரிய பொறுப்பாளருமான மின்னல்கொடி மீது புகார் செய்யப்பபட்டது.
இந்த நிலத்தை தல்லா குளத்தைச் சேர்ந்த சரவணகுமார் என்பவருக்கு மின்னல் கொடி ரூ.40 லட்சதுக்கு விற்றதாக தெரியவந்தது.

இதுபற்றி முருகன் மாவட்ட நில அபகரிப்பு மீட்பு பிரிவு போலீசில் புகார் செய்தார். போலீசார் வழக்கு பதிவு செய்து மின்னல்கொடி, போலி பத்திரம் தயாரிக்க உடந்தையாக இருந்ததாக கூறப்படும் பொட்டுக் காரன், பத்திர எழுத்தாளர் விஜயகுமார் ஆகிய 3 பேரையும் போலீசார் கைது செய்தனர்.

மேலும் நில அபகரிப்புக்கான போலி பவர் பத்திரம் தயாரிப்புக்கு உடந்தையாக இருந்து போலி பத்திரத்தில் கையெழுத்திட்டுள்ள சிலரை போலீசார் தேடி வருகிறார்கள்.

நிலஅபகரிப்பு வழக்கில் கைதான தி.மு.க. பிரமுகர் மின்னல்கொடி மீது கந்து வட்டி புகாரும் எழுந்துள்ளது. எனவே மின்னல் கொடி மூலம் கந்துவட்டியால் யாராவது பாதிக்கப்பட்டு இருந்தால் தைரியமாக வந்து போலீசில் புகார் செய்யலாம் என்று போலீஸ் சூப்பிரண்டு அஸ்ராகர்க் கூறியுள்ளார்.

நில அபகரிப்பு வழக்கு இப்போது தமிழகத்தில் சூடு பிடிக்கிறது