முருகள் லீலைகள் (அருள் பெற்ற அடியார்கள்)

by **rammalar** Fri 28 May 2021 - 12:38

*

முருகள் லீலைகள் (அருள் பெற்ற அடியார்கள்) Main-qimg-edd402345f2ddbec3047819ed5b24464

திருவண்ணாமலையில் சம்பந்தாண்டான் எனும்
தேவி உபாசகருக்கும் அருணகிரிநாதருக்கும் நடந்த
போட்டியில் அருணகிரிக்காக முருகப்பெருமான்
கம்பத்தில் தோன்றியருளினார்.

அவரே கம்பத்திளையனார் என்று இன்றும்
போற்றப்படுகிறார்.
---------------

*ராமலிங்க வள்ளலாருக்கு அவர் வீட்டின் கண்ணாடியில்
திருத்தணிகை முருகப்பெருமான் தரிசனமளித்து
ஆட்கொண்டார். இதை ‘சீர் கொண்ட தெய்வ வதனங்கள்’
எனும் திருவருட்பா பாடல் மூலம் அறியலாம்.
------------------------

*திருத்தணி முருகன் சங்கீத மும்மூர்த்தி களுள் ஒருவரான
முத்துசுவாமி தீட்சிதருக்கு திருத்தணியில் கற்கண்டை
வாயில் போட்டு ‘நாதாதி குருகுஹோ’ எனும்
கீர்த்தனையைப் பாட வைத்தவர்.
---------------------------

*பிறந்து ஐந்து ஆண்டுகள் வரை பேச்சு வராமல் இருந்த
குமரகுருபரர் திருச்செந்தூர் முருகனை தரிசித்து
ஒரு மண்டலம் விரதம் இருந்து, உலகமே புகழும் வண்ணம்
கவி பாடும் திறமை பெற்றார்.
------------------------------

*மதுரை மாரியப்ப சுவாமிகள் ‘முருகப்பெருமானைப்
பாடாத தம் நாவும் ஒரு நாவா?’ என நினைத்து தன்
நாக்கை அறுத்தெறிந்தார். பின் முருகப் பெருமான்
அருளால் அந்த நாக்கு வளர்ந்து, அவர் தமிழிசை
பாடுவதில் வல்லவரானார்.
-----------------------------

*மதுரை மீனாட்சியின் அருளாணைப்படி
சிதம்பர சுவாமிகள் திருப்போரூர் முருகனை பனை
மரத்தில் சுயம்புவாக பிரதிஷ்டை செய்து முருகனருள்
பெற்றார். பிராகார வலம் வரும்போது சிதம்பர
சுவாமிகளால் நிறுவப்பட்ட சக்கரத்தைக் காணலாம்.
இது முருகப்பெருமானுக்கு இணையாக வழிபடப்படுகிறது.
------------------------------
- ஜெயலட்சுமி (தினகரன்- ஆன்மீகம்)