புலிக்கு உணவு ஊட்டிய அசினுக்கு காட்டு ராணி பட்டம்

by *சம்ஸ் Sun 20 Mar 2011 - 6:31

சில தினங்களுக்கு முன்னர்தான் நடுகாட்டில் புலிகளுக்கு மத்தியில் தனது நண்பர்களுடன் கும்மாளமிட்டு திரும்பியுள்ளார் நடிகை த்ரிஷா. இந்நிலையில் த்ரிஷாவை காட்டிலும் ஒருபடி மேலே போய்விட்டார் அசின். சற்றும் பயமில்லாமல் புலிக்கு தனது கையால் உணவை ஊட்டி அனைவரையும் ஆச்சரியத்தில் ஆழ்த்தியுள்ளார். இதனால் அவருக்கு காட்டு ராணி என்ற பட்டம் கிட்டியுள்ளது.

தமிழில் பிஸியாக இருந்த அசின் இப்போது பாலிவுட்டிலும் பிஸியாக உள்ளார். தற்‌போது சல்மானுடன் ரெடி படத்தில் நடித்து வருகிறார். படத்தில் மரம் ஏறுதல், கிளைகளை பிடித்து தொங்குதல் போன்ற சீன்களில் பயிற்சி எடுத்து டூப் போடாமல் தைரியமாக நடித்தாராம் அசின். இவரது தைரியத்தை படக்குழுவினர் அனைவரும் வெகுவாக பாராட்டியுள்ளார்.

இந்நிலையில் இப்படத்தின் சூட்டிங் காட்சிக்காக தாய்லாந்து சென்றுள்ளனர் ரெடி படக்குழுவினர். சூட்டிங் இடைவெளியின்போது அங்குள்ள பல்வேறு இடங்களை சுற்றி பார்க்க படக்குழுவினருடன் சென்றுள்ளார் அசின். அப்போது அங்குள்ள டைகர் டெம்பிள் பகுதியையும் சுற்றி பார்க்க சென்றுள்ளார். அங்கு அடைத்து வைக்கப்பட்டுள்ள புலிகளின் சத்தம் பார்வையாளர்களை மிரட்சியடைய வைத்ததாம். புலி‌களை பார்க்க ஆண்களே பக்கத்தில் செல்ல பயந்து இருந்த வேளையில், அசின் தைரியமாக சென்று ஒரு புலிக்குட்டிக்கு தன்னுடைய கையால் மாமிசத்தை ஊட்டினார். இதைபார்த்த படக்குழுவினர் அனைவரும் மிரண்டு போனார்கள்.

புலி வாய்க்குள் கையை வைத்து உணவு ஊட்டியது பயமில்லையா...? என்று அசினிடம் கேட்டால், மனசுல தைரியம் இருந்தால் எந்த பயமும் நம்மை பயமுறுத்தாது, தைரியம் இல்லையென்றால் எதையும் நம்மால சாதிக்க முடியாது என்றார். அசினின் இந்த தைரியத்தை பாராட்டி அவருக்கு காட்டு ராணி என்ற பட்டத்தை வழங்கியுள்ளனர் படக்குழுவினர்.