இறையனுபூதியே மதம்.- விவேகானந்தர்

by **rammalar** Tue 18 Jun 2024 - 7:15

--

* கடவுளை அறிய உதவும் எந்தப் பிரிவும் விரும்பத்தக்கதே.
இறையனுபூதியே மதம்.

* நாத்திகன் கொடையாளியாக இருக்கலாம், ஆன்மீகவாதியாக
இருக்க முடியாது. ஆனால் ஆன்மீகவாதி கொடுக்கும் பண்பு
உடையவனாக இருந்தாக வேண்டும்.

* குரு ஆவதற்கென்று பிறந்தவர்களைத் தவிரப் பிறர் குரு
ஆவதற்கு விரும்பி அழிந்து போகின்றனர்.

* மிருகத் தன்மை, மனிதத் தன்மை, கடவுள் தன்மை இவற்றின்
கலவையே மனிதன்.

* பொருட்களில் மாற்றம் செய்வதால் அவை முன்னேறுவதில்லை,
நாமே முன்னேறுகிறோம்.

* உண்மைக்காக நான் வாழ்கிறேன். உண்மை ஒருபோதும்
பொய்யுடன் இசைந்து செல்ல முடியாது. உலகனைத்தும் என்னை
எதிர்த்தாலும், இறுதியில் உண்மையே வெல்லும்.

* மகிழ்ச்சி தன் தலை மீது துயரக் கிரீடத்தை அணிந்தே மனிதனின்
முன்னால் வருகிறது. மகிழ்ச்சியை வரவேற்பவன் துயரத்தையும்
வரவேற்றேயாக வேண்டும்.

* இந்தப் பிறவியில் முக்தி பெற இயலாவிட்டால், அடுத்த பிறவியில்
அல்லது பிறவிகளில் முக்தி பெறுவதற்கு என்ன உத்தரவாதம்?
--
தொகுப்பு:- மணிமொழி மாரிமுத்து
நன்றி-முத்துக்கமலம்