தெரியுமா? - பொது அறிவு தகவல்

by **rammalar** Thu 25 Jul 2024 - 12:05

கடலின் அதிகபட்ச ஆழம் 9 கிலோ மீட்டராகும். எவரெஸ்ட் சிகரத்தை அடைய 9 வழிகள் உள்ளன. புல்லாங்குழலுக்கு 9 துளைகள். மனித உடலில் 9 துவாரங்கள். பிறைநிலாவைவிட முழு நிலா 9 மடங்கு அதிகம் பிரகாசமாக இருக்கும்.
கடற்கரை இல்லாமல் கடற்படை இருக்கும் ஒரே நாடு பொலிவியா. அண்டை நாடான சிலியிடம் தோற்றபோது போரில் கடற்கரைப் பகுதிகளை பொலிவியா இழந்துவிட்டது. எனினும், மீண்டும் அந்தப் பகுதியை மீட்போம் என்ற நம்பிக்கையில் கடற்படையை பராமரித்துவருகிறது பொலிவியா.
-நெ.இராமகிருஷ்ணன், பொழிச்சலூர்.
உலகில் மொத்தமாக 9 லட்சம் தீவுகள் உள்ளன. இந்தியாவில் வங்கக் கடல், அரபிக் கடல் பகுதிகளில் 2,67,570 தீவுகள் உள்ளன. அவற்றில் 96 ஆயிரம் தீவுகளுக்கு மட்டுமே பெயரிடப்பட்டுள்ளது.
ஸ்காண்டி நேவியன் நாடுகளில் ஒன்றான பின்லாந்தில் 1.70 லட்சம் தீவுகள் உள்ளன. அவற்றில் 80 ஆயிரம் தீவுகளில் மக்கள் வசிக்கின்றனர். பின்லாந்தில் உள்ள தீவுகளில் மிகப் பெரிய தீவின் பெயர் ஆலண்ட். இது பின்லாந்தின் தன்னாட்சிப் பகுதியாக உள்ளது.
கனடாவில் 50 ஆயிரம் தீவுகள்உள்ளன. அவற்றில் 52 தீவுகளில் மட்டுமே மக்கள் வசிக்கின்றனர். ஆர்க்டிக் கூட்டத்தில் அமைந்துள்ள பாபின் தீவு மிகப் பெரிய தீவாகும்.
தெற்கு ஆசிய நாடான இந்தோனேஷியாவில் 17,058 தீவுகள்உள்ளன. இந்தோனேஷிய தீவுகளில் பல அழகான, சுற்றுலாத் தலங்களாக உள்ளன.
-ஆர்.ஜெயலட்சுமி, திருநெல்வேலி.
பயணம் என்ற சொல்லுக்கு செலவு என்ற சொல்லை முதன்முதலில் பயன்படுத்தியவர் திரு.வி.கல்யாணசுந்தரனார். அவர் எழுதிய பயண நூல் "எனது இந்தியச் செலவு'.
 "கல்வெட்டியல் அறிஞர்' எனப் போற்றப்பட்டவர் சதாசிவப் பண்டாரத்தார். அவர் தொடக்கத்தில் பாபநாசம் வட்டாட்சியர் அலுவலகத்தில் எழுத்தராகப் பணியாற்றினார்.
அகலிகை கதைக்கு புத்துயிர் கொடுத்தது ந.பிச்சமூர்த்தி எழுதிய படைப்பு "உயிர்மகள்'.
-த.சீ.பாலு, அத்திப்பட்டு.
-
நன்றி-சிறுவர்மணி