இந்தியாவை வீழ்த்தும் ஆற்றல் எமக்கு உள்ளது : மைக் ஹசி

by **நண்பன்** Wed 23 Mar 2011 - 13:44

இந்தியாவை வீழ்த்தும் ஆற்றல் அவுஸ்திரேலியாவுக்கு உள்ளதாக அந்த அணியின் மத்திய தர துடுப்பாட்ட வீரர் மைக் ஹசி தெரிவித்துள்ளார்.இது குறித்து அவர் மேலும் கூறியது:
நாங்கள் குறிப்பாக கடந்த சில ஆண்டுகளாக இந்திய துணைக் கண்டங்களில்
சிறப்பாக விளையாடி வந்துள்ளோம். இங்கு சில தொடர்களையும் வென்றுள்ளோம்.
இதனால் இந்தியாவுக்கு எதிராக அதன் சொந்த மண்ணில் விளையாடவுள்ளது எங்களுக்கு
நம்பிக்கையை ஏற்படுத்தியுள்ளது. எங்களுக்கு வெற்றி வாய்ப்புள்ளதாக
நினைக்கிறேன். இந்தியாவுக்கு எதிராக சிறப்பான ஆட்டத்தை வெளிப்படுத்துவோம்.
இந்த ஆட்டம் ரசிகர்களுக்கும் விருந்து படைப்பதாய் அமையும். நாங்கள் அதை
எதிர்நோக்கியுள்ளோம்.
இந்த ஆட்டம் எங்களுக்கு மிகப்பெரியது. இதில் வெற்றிபெற்று விட்டால், நாங்கள் கோப்பையை வெல்வதற்கான வாய்ப்பு ஏற்பட்டுவிடும்.
காலிறுதியில்
இந்திய பேட்ஸ்மேன்களுக்கு நெருக்கடியை ஏற்படுத்துவோம். இந்திய வீரர்கள்
மிகச்சிறந்த பேட்ஸ்மேன்கள் என்பதில் சந்தேகமில்லை. நாங்கள் கடந்த
காலங்களில் சிறப்பாக ஆடியுள்ளோம். அது காலிறுதியிலும் தொடரும். எங்கள்
அணியில் 3 வேகப்பந்து வீச்சாளர்கள் உள்ளனர். அவர்கள் இந்திய பேட்ஸ்மேன்களை
திணறடிப்பார்கள் என்றும் எச்சரிக்கை விடுத்தார்.
பாகிஸ்தானிடம் தோற்றதால் காலிறுதியில் ஆடும் லெவனில் மாற்றம் இருக்குமா
என்று கேட்டபோது, நான் அணியைத் தேர்வு செய்பவர் அல்ல. அவ்வாறு வீரர்களை
மாற்றுவது மிகவும் ஆபத்தானது என்றார்.
ஜாகீர்கான் குறித்துப் பேசிய ஹசி, அவர் மிகச் சிறந்த, எதிரணிக்கு
ஆபத்தான பந்துவீச்சாளர். மிகுந்த அனுபவம் உடைய வீரர். இந்த உலகக்
கோப்பையில் சிறப்பாக பந்துவீசி வருகிறார் என்றார்.