உலக்கிண்ண கிரிக்கட் இறுதியாட்டத்தில் ஆட்ட நிர்ணய சதியில் இலங்கை அணி வீரர்கள்?

by **நேசமுடன் ஹாசிம்** Thu 7 Apr 2011 - 20:47

உலக்கிண்ண கிரிக்கட் இறுதியாட்டத்தின் போது இலங்கை அணி வீரர்கள் ஆட்ட நிர்ணய சதியில் ஈடுபட்டுள்ளமை குறித்து ஐ.சி.சி. க்கு போதுமான ஆதாரங்கள் கிடைத்துள்ளன.
அவுஸ்திரேலியா மற்றும் இங்கிலாந்தின் கிரிக்கட் விமர்சகர்கள் இருவர் இறுதியாட்டத்தின் பொருத்தமற்ற நடத்தைகள் குறித்த இரகசிய அறிக்கைகள் இரண்டை சர்வதேச கிரிக்கட் கவுன்சிலிடம் (ஐ.சி.சி.) ஒப்படைத்துள்ளனர்.

அது தவிரவும் இறுதியாட்டத்தில் ஆட்ட நிர்ணய சதி இடம்பெற்றதற்கான வாய்ப்பிருப்பதாக வேறு வழிகளிலும் ஐ.சி.சி. சந்தேகம் கொண்டிருந்தது. அத்துடன் அரையிறுதி வரை வெற்றி அணியாக வலம் வந்த இலங்கை அணியின் வீரர்களில் நால்வர் இறுதியாட்டத்தின் போது திடீரென மாற்றப்பட்டமை குறித்தும் பலத்த சந்தேகம் எழுந்துள்ளது.

அதன் காரணமாக எதிர்வரும் வாரம் ஐ.சி.சி.யின் நிறைவேற்றுக்குழு கூடி இது தொடர்பான விசேட கலந்துரையாடலொன்றை நடாத்தவுள்ளது. அதன் பின் எடுக்கப்பட வேண்டிய நடவடிக்கைகள் குறித்த சிபார்சுகள் முன் வைக்கப்படும் என்று தெரிய வருகின்றது.