வெளிநாடுகளிலிருந்து நாட்டுக்குள் நுழைவோருக்கு இரத்த சோதனை

by **நேசமுடன் ஹாசிம்** Thu 21 Apr 2011 - 12:20

இலங்கையில் மலேரியா நோயை முழுமையாக ஒழித்துக் கட்டும் திட்டத்தின் கீழ் வெளிநாடுகளிலிருந்து நாட்டுக்குள் வருகை தருபவர்களை இரத்தப் பரிசோதனைக்கு உட்படுத்துவதற்கு சுகாதார அமைச்சின் மலேரியா ஒழிப்பு இயக்கம் தீர்மானித்துள்ளது.

இப்பரிசோதனை மூலம் மலேரியா நோய்க்குள்ளாகி இருப்பவர்களுக்கு இலவசமாக உரிய சிகிச்சை அளிப்பதற்கும் முடிவு செய்திருப்பதாக மலேரியா ஒழிப்பு இயக்கத்தின் பணிப்பாளர் டாக்டர் எஸ். எல். தெனியகே நேற்று தெரிவித்தார்.

2010ம் ஆண்டில் 684 பேர் மலேரியா நோய்க்கு உள்ளாகினர். இவர்களில் 52 பேர் வெளிநாடுகளில் இருந்து வந்த உள்நாட்டவர்களும், வெளிநாட்டவர்களும் அடங்கியுள்ளனர்.

இதனால் மலேரியா நோயுடன் நாட்டுக்குள் வருபவர்களை விமான நிலையத்திலேயே இனங்கண்டு சிகிச்சை அளிப்பதற்குத் திட்டமிட்டி ருப்பதாகவும் அவர் கூறினார்.

அதே வேளை, மலேரியா நோய் பெரிதும் பரவியுள்ள நாடுகளுக்கு பயணம் செய்யும் இலங்கையருக்கு அதனைத் தவிர்ப்பதற்குரிய மருந்துகளை முன் கூட்டியே இலவசமாக வழங்குவ தற்கும் நடவடிக்கை எடுத்திருப்பதா கவும் அவர் குறிப்பிட்டார்.

உலக மலேரியா தினத்தின் நிமி த்தம் பத்தரமுல்லை வோட்டர் எட்ஜ் ஹோட்டலில் நடைபெற்ற செய்தியாளர் மாநாட்டின் போதே அமைச்சர் மேற்கண்டவாறு குறிப்பி ட்டார்.

சுகாதார அமைச்சின் மேலதிக செயலாளர் டொக்டர் பாலித மஹீ பால தலைமையில் நடைபெற்ற இச்செய்தியாளர் மாநாட்டில் அவர் மேலும் கூறியதாவது;

2015ம் ஆண்டாகும்போது மலே ரியா நோய் இலங்கையிலிருந்து முழுமையாக ஒழிக்கப்பட வேண்டு மென மஹிந்த சிந்தனை தேசிய வேலைத் திட்டத்தில் குறிப்பிடப் பட்டுள்ளது.

இத்திட்டத்திற்கு அமைய நாம் நடவடிக்கைகளை முன்னெடுத்து வருகின்றோம். இதன் பயனாக, 2006ம் ஆண்டு முதல் இந்நாட்டில் டெங்கு நோய்க்கு உள்ளாவோரின் எண்ணிக்கை ஆயிரத்திற்கும் குறை வாகவே உள்ளது.

நாட்டில் மலேரியா முழுக் கட்டு ப்பாட்டு நிலையை நோக்கி நகர்ந்து கொண்டிரு க்கின்றது. என்றாலும் முல்லைதீவு, கிளிநொச்சி, வவுனியா, மன்னார், மொன றாகலை, ஹம்பாந்தோட்டை ஆகிய மாவட்டங்களில் மாத்திரமே தற்போது மலேரியாவுக்கு உள்ளா வோர் பதிவாகின்றனர். என்றாலும் வெளிநாடுகளுக்கு சென்று வருபவர் களும், வெளிநாடுகளி லிருந்து வருபவர்களும் மலேரியாவுடன் நாட்டுக்குள் வருவது அதிகரித்து ள்ளது.

கடந்த வருடம் மலேரியா நோய்க்கு உள்ளானவர்களில் 52 பேர் இந்தியா, பாகிஸ்தான், கெய்ட்டி, சூடான், லைபீரியா, உகண்டா, நைஜீரியா ஆகிய நாடுகளிலிருந்து திரும்பியவர்கள்.

இது இலங்கையில் மலேரியா வுக்கு உள்ளானவர்களாக இனம் காணப்படுபவர்களில் 15 சதவீதத்தின ராவர்.

இந்த நிலைமை நீடிப்பது ஆரோ க்கியமல்ல. இதனைக் கட்டுப்படு த்துவதில் தீவிர கவனம் செலுத்தி யுள்ளோம். இவ்வேலைத் திட்டம் குறித்து வெளிவிவகார அமைச்சு டனும் கட்டுநாயக்கா சர்வதேச விமான நிலைய அதிகாரிகளுடனும் பேச்சு வார்த் தைகளில் ஈடுபட்டுள்ளோம் என்று அவர் மேலும் குறிப்பிட்டார்.